Innlent

Mis­steig sig illa á Úlfars­felli

Atli Ísleifsson skrifar
Úr hlíðum Úlfarsfells í gær.
Úr hlíðum Úlfarsfells í gær. Slökkvilið

Starfsmenn slökkviliðsins á höfuðborgarsvæðinu komu konu til aðstoðar sem hafði misstigið sig illa í göngu á Úlfarsfelli í gær.

Sagt er frá þessu á Facebook-síðu slökkviliðsins. Þar kemur fram að fimm starfsmenn frá tveimur stöðvum slökkviliðs hafi farið í verkefnið og hafi tekið rétt rúman klukkutíma að koma konunni niður.

Ennfremur segir frá því að á síðasta sólarhring hafi dælubílar farið í fjögur verkefni. Þau hafi verið fjölbreytt en helst sé að nefna tilkynningu um eld í kjallaraíbúð í þriggja hæða fjölbýlishúsi við Miklubraut sem sagt var frá í gær.

Segir að dökkur reykur hafi borist frá íbúð og húsi, en búið var að rýma húsnæðið þegar starfsmenn slökkviliðs komu á vettvang. Þá segir að greiðlega hafi gengið að slökka eldinn, en töluverðar skemmdir hafi orðið á húsnæðinu.


Tengdar fréttir

Fimm á slysa­deild eftir að eldur kom upp

Fimm voru fluttir á slysadeild eftir að eldur kom upp í herbergi í fjölbýlishúsi við Miklubraut um klukkan níu í morgun. Enginn er þó alvarlega slasaður en grunur er um að fólkið hafi fengið reykeitrun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.