Fótbolti

Guðrún og stöllur hennar sænskir bikarmeistarar

Arnar Geir Halldórsson skrifar
Bikarmeistarar!
Bikarmeistarar! Twitter @fotbollskanal

Tveir Íslendingar fögnuðu þegar leikið var til úrslita í sænsku bikarkeppnunum í fótbolta.

Það var Íslendingaslagur í kvennaboltanum þar sem Guðrún Arnardóttir og stöllur hennar í Rosengard mættu Hacken þar sem þær Agla María Albertsdóttir og Diljá Ýr Zomers spila.

Guðrún lék allan leikinn í vörn Rosengard sem vann leikinn 2-1 eftir að framlengja þurfti leikinn en staðan eftir venjulegan leiktíma var jöfn, 1-1.

Agla María sat allan tímann á varamannabekk Hacken en Diljá var ekki í leikmannahópnum í dag.

Einnig var leikið til úrslita í karlaboltanum í dag þar sem Malmö stóð uppi sem sigurvegari eftir vítaspyrnukeppni gegn Hammarby.

Þjálfari Malmö er Milos Milojevic, fyrrum þjálfari Víkings og Breiðabliks hér á landi, en hann er með íslenskan ríkisborgararétt.

Jón Guðni Fjóluson var ekki í leikmannahópi Hammarby í dag.




Fleiri fréttir

Sjá meira


×