Frá kjörstað í Ráðhúsi Reykjavíkur í morgun.Vísir/Vilhelm
Kosningarnar virðast fara vel af stað víðast hvar um landið. Í Reykjavík var kjörsókn klukkan 10 2,3 prósent sem er nokkuð meira en í sveitarstjórnarkosningunum fyrir fjórum árum en þá var hún 1,7 prósent á sama tíma.
Eva B. Helgadóttir, formaður yfirkjörstjórnar í Reykjavík, segir í samtali við fréttastofu að ekkert hafi komið upp á það sem af er degi og allt fari því ágætlega af stað. „Þetta er vonandi vísbending um að kjörsókn verði góð.“
Þá gæti það haft áhrif á kjörsóknina að Íslendingar keppa í Eurovision í kvöld enda margir spenntir fyrir keppninni. „Það má gera ráð fyrir að Eurosvision hafi þau áhrif að kjósendur fari fyrr af stað.“
Reykjavíkurborg
Samkvæmt upplýsingum frá kjörstjórn í Hafnarfirði höfðu um 2,2 prósent kjósenda greitt atkvæði í sveitarfélaginu klukkan 10.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
