Erlent

Sex sagðir hafa látist vegna Co­vid-19 í Norður-Kóreu

Atli Ísleifsson og Gunnar Reynir Valþórsson skrifa
Verst virðist ástandið vera í höfuðborginni Pyongyang og þar hefur fólki verið gert að halda sig heima.
Verst virðist ástandið vera í höfuðborginni Pyongyang og þar hefur fólki verið gert að halda sig heima. Vísir/Vilhelm

Aðeins einum sólarhring eftir að kórónuveiran skaut fyrst upp kollinum í Norður-Kóreu, að sögn yfirvalda, hafa nú fyrstu dauðsföllin verið staðfest einnig.

Sex einstaklingar eru sagðir hafa látist eftir að hafa greinst með ómíkronafbrigði veirunnar.

Stjórnvöld í þessu einangraða ríki höfðu hingað til haldið því fram að veiran hefði ekki komist inn fyrir varnir ríkisins, þótt fáir sérfræðingar hafi lagt trú á þær yfirlýsingar.

Nú segjast yfirvöld hafa sett 187 þúsund manns í einangrun og að fólkið sé nú að fá viðeigandi meðferð gegn veirunni.

Verst virðist ástandið vera í höfuðborginni Pyongyang og þar hefur fólki verið gert að halda sig heima.

Óttast er að mikil útbreiðsla veirunnar geti leikið landið grátt, en landsmenn hafa fæstir fengið bóluefni gegn henni og heilbrigðiskerfi landsins bágborið.

Norður-Kórea Faraldur kórónuveiru (COVID-19)

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið