Erlent

Stað­festa fyrsta til­felli Co­vid-19 í Norður-Kóreu

Atli Ísleifsson og Gunnar Reynir Valþórsson skrifa
Kim Jong-un er leiðtogi Norður-Kóreu. Hann hefur þegar heitið því að vinna bug á faraldrinum eins fljótt og auðið er.
Kim Jong-un er leiðtogi Norður-Kóreu. Hann hefur þegar heitið því að vinna bug á faraldrinum eins fljótt og auðið er. EPA

Yfirvöld í Norður-Kóreu hafa lýst yfir neyðarástandi í landinu eftir að fyrsta tilfelli kórónuveirunnar var staðfest í morgun.

Leiðtoginn, Kim Jong-un, hefur þegar heitið því að vinna bug á faraldrinum eins fljótt og auðið er en ríkismiðlar greina frá því að smit hafi komið upp hjá fólki í höfuðborginni Pyongyang.

Ekki er ljóst hversu margir hafa verið greindir en hingað til hafa Norður-Kóreumenn haldið því fram að ekki einn einasti landsmaður hafi greinst smitaður af veirunni frá upphafi heimsfaraldursins fyrir rúmum tveimur árum.

Fáir sérfræðingar hafa reyndar lagt trú á þær fullyrðingar, þótt landið sé eitt það lokaðasta í heimi.

Sérfræðingar óttast hins vegar útbreiðslu faraldursins nú, því fáir landsmanna hafa verið bólusettir fyrir veirunni. Þá er einnig talið víst að heilbrigðiskerfi landsins sé illa í stakk búið til að takast á við slíkt ástand.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×