Innlent

Tekur þrjá daga að blása snjó af Skála­víkur­heiði

Bjarki Sigurðsson skrifar

Í vetur söfnuðust upp allt að fjórir metrar af snjó á Skálavíkurheiði á Vestfjörðum. Til að komast til Skálavíkur þarf því að ryðja heiðina með snjóblásara. 

Heiðin tengir saman Bolungarvík og Skálavík þar sem er vinsæl sumarbústaðabyggð. Það var Elvar Kristinn Sigurgeirsson sem sá um að ryðja heiðina í ár.

„Þetta tekur þrjá daga, við eigum eftir að moka neðst niðri,“ segir Elvar í samtali við fréttastofu en hann hóf að blása snjóinn burt fyrir tveimur dögum síðan.

Vegagerðin annast moksturinn á veginum og réði Elvar til að keyra snjóblásara yfir heiðina.

Hafþór Gunnarsson tók upp myndband á dróna sinn sem sýnir frá blæstrinum. Myndbandið má sjá í spilaranum hér fyrir ofan.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.