Fótbolti

Íslensk jafntefli í sænska boltanum

Hjörtur Leó Guðjónsson skrifar
Milos Milojevic er þjálfari Malmö.
Milos Milojevic er þjálfari Malmö. Milos Vujinovic/SOPA Images/LightRocket via Getty Images

Tveir leikir fóru fram í sænsku úrvalsdeildinni í fótbolta í kvöld og voru Íslendingar í eldlínunni í báðum þeirra. Milan Milojevic og lærisveinar hans í Malmö gerðu 1-1 jafntefli gegn Íslendingaliði Elfsborg og Aron Bjarnason og félagar hans í Sirius gerðu markalaust jafntefli gegn Varnamo.

Veljko Birmancevic skoraði eina mark Malmö stuttu fyrir hálfleik, en Simon Olsson jafnaði metin fyrir Elfsborg snemma í síðari hálfleik.

Sveinn Aron Guðjohnsen og Hákon Rafn Valdimarsson byrjuðu báðir á varamannabekk Elfsborg, en Sveinn Aron kom inn á sem varamaður þegar tæpar tíu mínútur voru til leiksloka.

Þá var Aron Bjarnason í byrjunarliði Sirius í markalausu jafntefli gegn Varnamo, en hann var tekinn af velli eftir klukkutíma leik.

Nú þegar tveim umferðum er lokið í sænsku úrvalsdeildinni hafa Malmö og Sirius fengið fjögur stig, en Elfsborg og Sirius eitt stig.

Sænski boltinn

Mest lesið


Fleiri fréttir

Sjá meira


×

Mest lesið