Formúla 1

Leclerc á ráspól í Ástralíu

Sigurður Orri Kristjánsson skrifar
Charles Leclerc
Charles Leclerc EPA-EFE/JOEL CARRETT

Ökuþórinn Charles Leclerc, sem ekur fyrir Ferrari, náði besta tímanum í tímatökunum fyrir ástralska kappaksturinn í Formúlu 1 sem fram fer í Melbourne á morgun, sunnudag.

Leclerc tókst að komast fram fyrir heimsmeistarann ríkjandi, Max Verstappen, á síðasta hring sínum en Verstappen þurfti að gera sér annað sætið að góðu og ræsir því annar á eftir Leclerc. Nokkuð var um tafir í tímatökunni en Fernando Alonso lenti í árekstri sem gerði það að verkum að hreinsa þurfti brautina.

Liðsfélagi Verstappen hjá Red Bull, Sergio Perez, varð í þriðja sæti en liðsfélagi Leclerc hjá Ferrari, Carlos Sainz, náði einungis níunda sæti og átti erfitt uppdráttar. Lewis Hamilton hjá Mercedes varð fimmti.

Efstu menn eftir tímatökuna:

1. Charles Leclerc, Ferrari 1:17.868

2. Max Verstappen, Red Bull 1:18.154

3. Sergio Perez, Red Bull 1:18.240

4. Lando Norris, McLaren 1:18.703

5. Lewis Hamilton, Mercedes 1:18.825




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.