Erlent

Mikil bleiking í Kóral­rifinu mikla

Atli Ísleifsson og Gunnar Reynir Valþórsson skrifa
Bleiking verður þegar kórallarnir ýta þá frá sér ljóstillífandi þörungum sem leiðir til þess að þeir verða hvítir. Verði aðstæður ekki eðlilegar á ný getur það orðið til þess að bleikingin verði varanleg og velur þannig dauða kórallanna.
Bleiking verður þegar kórallarnir ýta þá frá sér ljóstillífandi þörungum sem leiðir til þess að þeir verða hvítir. Verði aðstæður ekki eðlilegar á ný getur það orðið til þess að bleikingin verði varanleg og velur þannig dauða kórallanna. Getty

Loftmyndir af Kóralrifinu mikla undan ströndum Ástralíu sýna að svokölluð bleiking er hafin á 1.200 kílómetra löngu svæði. Slíkir atburðir verða æ algengari en bleikingin veldur dauða kórallana.

Guardian segir frá því að bleikingin verði þegar óeðlilegar aðstæður myndast á svæðinu, til dæmis þegar hitastig sjávar er hærra en vanalega. 

Bleiking verður þegar kórallarnir ýta þá frá sér ljóstillífandi þörungum sem leiðir til þess að þeir verða hvítir. Verði aðstæður ekki eðlilegar á ný getur það orðið til þess að bleikingin verði varanleg og velur þannig dauða kórallanna.

Samkvæmt umfjölluninni er þetta í sjötta skiptið sem bleiking verður á svo stóru svæði á rifinu. Vísindamenn eru sérstaklega áhyggjufullir nú í ljósi þess að veðurfyrirbrigðið La Niña er nú ríkjandi á svæðinu en því fylgir lægri sjávarhiti en venjulega.

Því kemur það mönnum í opna skjöldu að enn einu sinni skuli bleiking hafin á rifinu. Sameinuðu þjóðirnar hafa sent hóp vísindamanna á svæðið til að rannsaka atvikið nánar og er búist við niðurstöðum á allra næstu dögum.

Fyrst varð vart við bleikingu á Kóralrifinu mikla árið 1998 og svo aftur 2016, 2017, 2020 og nú.

Kóralrifið mikla nær yfir um 2.300 kílómetra svæði undan norðausturströnd Ástralíu og er eitt af þeim svæðum jarðar þar sem fyrir finnst mestur líffræðilegur fjölbreytileiki.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.