Handbolti

Íslendingar í efsta styrkleikaflokki og sleppa við sterkustu liðin

Ingvi Þór Sæmundsson skrifar
Íslendingar hafa komist á öll Evrópumót frá árinu 2000.
Íslendingar hafa komist á öll Evrópumót frá árinu 2000. epa/Zsolt Szigetvary

Vegna árangurs karlalandsliðs Íslands í handbolta á Evrópumótinu í janúar er liðið í efsta styrkleikaflokki fyrir dráttinn í undankeppni EM 2024. Dregið verður í riðla fimmtudaginn 31. mars.

Ísland endaði í 6. sæti á EM í Ungverjalandi og Slóvakíu í janúar. Sá árangur þýðir að Íslendingar eru í efsta styrkleikaflokki fyrir dráttinn í riðla í undankeppni EM 2024. Auk Íslands eru Noregur, Frakkland, Króatía, Slóven­ía, Ung­verja­land, Portúgal og Aust­ur­ríki í efsta styrkleikaflokki.

Þýskaland, Svíþjóð, Spánn og Danmörk þurfa ekki að fara í gegnum undankeppnina. Þjóðverjar halda EM 2024 og Svíar, Spánverjar og Danir tryggðu sér þátttökurétt á mótinu með því að enda í efstu þremur sætunum á EM 2022. 

Rússlandi og Hvíta-Rússlandi var meinað að taka þátt á EM af Handknattleikssambandi Evrópu, EHF, vegna innrásar Rússa í Úkraínu. Georgía og Lúxemborg tóku sæti þeirra í undankeppninni.

Liðunum 32 sem verða í pottinum verður skipt í átta fjögurra liða riðla. Efstu tvo liðin komast á EM sem og þau fjögur lið sem eru með bestan árangur í 3. sæti riðlanna. Hvert lið leikur sex leiki í riðlakeppninni, þrjá á heimavelli og þrjá á útivelli.

Styrkleikaflokkarnir

1. flokkur

  • Nor­eg­ur
  • Frakk­land
  • Króatía
  • Slóven­ía
  • Ung­verja­land
  • Portúgal
  • Ísland
  • Aust­ur­ríki

2. flokkur

  • Tékk­land
  • Pól­land
  • Hol­land
  • Svart­fjalla­land
  • Norður-Makedón­ía
  • Serbía
  • Sviss
  • Úkraína

3. flokkur

  • Bosn­ía
  • Lit­á­en
  • Lett­land
  • Ísra­el
  • Slóvakía
  • Tyrk­land
  • Rúm­en­ía
  • Grikk­land

4. flokkur

  • Kósóvó
  • Belg­ía
  • Eist­land
  • Fær­eyj­ar
  • Finn­land
  • Ítal­ía
  • Georgía
  • Lúx­em­borg

Í næsta mánuði mætir Ísland Austurríki í tveimur leikjum um sæti á heimsmeistaramótinu í Svíþjóð og Póllandi 2023.

Undankeppni EM 2024 hefst 12. október 2022 og lýkur 30. apríl 2023.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.