Lífið

Menntaskólinn í Reykjavík vann Gettu betur

Vésteinn Örn Pétursson skrifar
Liðsmenn MR voru að vonum ánægðir með sigurinn. 
Liðsmenn MR voru að vonum ánægðir með sigurinn.  Skjáskot RÚV

Menntaskólinn í Reykjavík vann Gettu betur, spurningakeppni framhaldsskólanna, nú í kvöld.

MR bar sigurorð af Fjölbrautarskólanum í Garðabæ, með 31 stigi gegn 26, og fær því verðlaunagripinn eftirsótta, Hljóðnemann, í vörslur sínar þar til sigurvegari næsta árs verður krýndur. Þetta er í 22. skipti sem skólinn vinnur keppnina.

Menntaskólinn í Reykjavík vann keppnina síðast árið 2020, en á síðasta ári var það Verzlunarskóli Íslands sem bar sigur úr býtum í keppninni.

Lið MR var skipað þeim Ingibjörgu Steinunni Einarsdóttur, Kötlu Ólafsdóttur og Oddi Sigurðarsyni, en í liði FG voru þau Dagmar Íris Hafsteinsdóttir, Kjartan Leifur Sigurðsson og Þráinn Gunnlaugsson.

Úrslitarimman var sýnd í beinni útsendingu á Ríkissjónvarpinu, líkt og aðrar viðureignir á síðari stigum keppninnar hafa verið. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.