Örnefnanefnd mælir með þremur nöfnum á sameinuðu sveitarfélagi Atli Ísleifsson skrifar 16. mars 2022 10:54 Frá Mývatni. Íbúar Skútustaðahrepps og Þingeyjarsveitar samþykktu síðasta sumar að sameina sveitarfélögin. Vísir/Vilhelm Örnefnanefnd telur að þrjár af þeim tillögum sem bárust nefndinni til umsagnar um nafn á sameinuðu sveitarfélagi Skútustaðahrepps og Þingeyjarsveitar, falla best að nafngiftahefð í landinu. Það eru nöfnin Suðurþing, Laxárþing og Goðaþing. Þetta kemur fram í áliti nefndarinnar sem sent hefur verið undirbúningsstjórn um sameiningu sveitarfélaganna, en íbúar þar samþykktu sameiningu í kosningu síðasta sumar. Alls barst örnefnanefnd átta tillögur til umsagnar; Goðaþing, Þingeyjarsveitir, Laxárþing, Andaþing, Mýþing, Hraunborg, Suðurþing og Fossaþing. Var það gert í kjölfar rafrænnar hugmyndasöfnunar um nýtt nafn og fór undirbúningsstjórnin yfir tillögurnar og sendi nefndinni þær til umsagnar. Nefndin taldi Suðurþing, Laxárþing og Goðaþing falla best að íslenskri nafngiftahefð í landinu. Nefndin lagðist þó ekki gegn nöfnunum Fossaþing, Mýþing og Þingeyjarsveitir. Það átti þó ekki við þegar kom að tveimur nafnanna, en nefndin lagðist gegn nöfnunum Andaþing og Hraunborg. Það mun koma til kasta nýrrar sveitarstjórnar sem tekur við að loknum sveitarstjórnarkosningum að taka ákvörðun um hvaða sveitarfélagið muni heita. Helgi Héðinsson, oddviti Skútustaðahrepps og formaður undirbúningsstjórnar, sagði samtali við Vísi í gær að í næsta mánuði verði þó nokkrar tillögur sendar áfram í ráðgefandi skoðanakönnun á meðal íbúa um hvað sveitarfélagið eigi að heita. Tillögur sem örnefnanefnd mælir með og falla best að nafngiftahefð Suðurþing: Í rökstuðningi með tillögunni segir að nafnið vísi til staðsetningar hins nýja sveitarfélags sem sé að öllu leyti innan marka gömlu Suður-Þingeyjarsýslu. Þá kallist það á við nafn nágrannasveitarfélagisns Norðurþings. Laxárþing: Í rökstuðningi með tillögu kemur fram að nafnið vísi til þekkts kennileitis í sveitarfélaginu, Laxár í Aðaldal/Láxárdal sem eigi upptök sín í Mývatni í Skútustaðahreppi og renni til sjávar í Þingeyjarsveit. Goðaþing: Í rökstuðningi með tillögunni segir að nafnið feli í sér þríþætta vísum – Þorgeirs Ljósvetningagoða, Goðafoss sem sé nokkurn veginn í miðju sameinaðs sveitarfélags og svo einkennisfugls Mývatns, flórgoðans. Tillögur sem örnefnanefnd leggst ekki gegn Þingeyjarsveitir: Í tillögunni er vísað til til þeirrar hefðar að kenna svæðið við Þingey í Skjálfandafljóti og þar sem sameinað sveitarfélag sé myndað úr mörgum sveitum sé fleirtölumyndin lýsandi. Nefndin bendir þó á að ekki sé hefð fyrir því að fleirtölumyndin sveitir myndi eftirlið í nöfnum sveitarfélaga og nafnið Þineyjarsveitir sé ekki í samræmi við meginsjónarmið örnafnanefndar um nöfn sveitarfélaga. Mýþing: Í rökstuðningi með tillögunni kemur frma að nafnið vísi til Mývatns og mýsins sem þar þrífst og til orðsins þing. Nefndin segir þó ekki hefð fyrir því að nöfn sveitarfélaga séu leidd af nafni dýrategunda á þann hátt sem hér um ræðir. Fossaþing: Nefndin telur nafnið ekki sérkennandi fyrir byggðarlag fremur en mörg önnur. Í rökstuðningi með tillögunni segir að í sameinuðu sveitarfélagi séu margir af fegustu og þekktustu fossum landsins – Dettifoss, Hafragilsfoss, Selfoss, Goðagoss, Aldeyjarfoss, Ullarfoss og Hrafnabjargarfoss. Tillögur sem örnefnanefnd leggst gegn Andaþing: Í rökstuðningi með tillögunni segir að nafnið vísi til þess að mikill fjöldi andafugla hafist við á Mývatni á sumrun. Þá sé vísaði í kvæðið Sveitin mín eftir Sigurð Jónsson frá Arnarvatni þar sem fyrir koma vísuorðin Hér á andinn óðul sín/öll sem verða á jörðu fundin. Nefndin segir ekki hefð vera fyrir því að nöfn sveitarfélaga séu leidd af nafni dýratefunda og þá þyki nafnið heldur ekki sérkennandi fyrir sveitarfélag fremur en mörg önnur. Hraunborg: Í rökstuðningi með tillögunni segir að nafnið vísi til „eldfjallalandslagsins í hinu sameinaða sveitarfélagi sem myndaðist af stórum basalthraungosum fyrir um 2300 árum“. Þá sé einnig vísað til Ódáðahrauns. Nefndin segir ekki vera hefð fyrir því að leiða nafn sveitarfélags, eða byggðanöfn yfirhöfuð, beint af nafnorði eins og hraunborg (klettamyndanir úr hrauni), það er stærðfræðilegu samnefni. Í meginsjónarmiðum örnefnanefndar um nöfn sveitarfélaga er mælt með að eftirliðurinn -borg sé aðeins hafður um mjög stórt samfellt þéttbýilissvæði. Því komi ekki til greina að mæla með að eftirliðurinn -borg sé hafður um dreifbýlissveitarfélag. Tæplega tveir af hverjum þremur samþykktu sameininguna í Þingeyjarsveit og rúmlega þrír af hverjum fórum í Skútustaðahreppi. Íslenska á tækniöld Sveitarstjórnarmál Skútustaðahreppur Þingeyjarsveit Tengdar fréttir Ekki gert ráð fyrir sveitarstjóra í nýju sveitarfélagi Ekki er gert ráð fyrir að sveitarstjóri verði ráðinn þegar sameining Skútustaðahrepps og Þingeyjarsveitar tekur gildi. Þrír sviðsstjórar og einn kjörinn fulltrúi munu þess í stað mynda framkvæmdastjórn sveitarfélagsins, sem verður víðfeðmasta sveitarfélag landsins. 15. mars 2022 14:11 Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Getur frelsað El Salvador-fangann en vill það ekki Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Hætta framleiðslu innanhúss og segja upp fólki Innlent Líkamsárás á veitingastað Innlent Fleiri fréttir Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Sjá meira
Þetta kemur fram í áliti nefndarinnar sem sent hefur verið undirbúningsstjórn um sameiningu sveitarfélaganna, en íbúar þar samþykktu sameiningu í kosningu síðasta sumar. Alls barst örnefnanefnd átta tillögur til umsagnar; Goðaþing, Þingeyjarsveitir, Laxárþing, Andaþing, Mýþing, Hraunborg, Suðurþing og Fossaþing. Var það gert í kjölfar rafrænnar hugmyndasöfnunar um nýtt nafn og fór undirbúningsstjórnin yfir tillögurnar og sendi nefndinni þær til umsagnar. Nefndin taldi Suðurþing, Laxárþing og Goðaþing falla best að íslenskri nafngiftahefð í landinu. Nefndin lagðist þó ekki gegn nöfnunum Fossaþing, Mýþing og Þingeyjarsveitir. Það átti þó ekki við þegar kom að tveimur nafnanna, en nefndin lagðist gegn nöfnunum Andaþing og Hraunborg. Það mun koma til kasta nýrrar sveitarstjórnar sem tekur við að loknum sveitarstjórnarkosningum að taka ákvörðun um hvaða sveitarfélagið muni heita. Helgi Héðinsson, oddviti Skútustaðahrepps og formaður undirbúningsstjórnar, sagði samtali við Vísi í gær að í næsta mánuði verði þó nokkrar tillögur sendar áfram í ráðgefandi skoðanakönnun á meðal íbúa um hvað sveitarfélagið eigi að heita. Tillögur sem örnefnanefnd mælir með og falla best að nafngiftahefð Suðurþing: Í rökstuðningi með tillögunni segir að nafnið vísi til staðsetningar hins nýja sveitarfélags sem sé að öllu leyti innan marka gömlu Suður-Þingeyjarsýslu. Þá kallist það á við nafn nágrannasveitarfélagisns Norðurþings. Laxárþing: Í rökstuðningi með tillögu kemur fram að nafnið vísi til þekkts kennileitis í sveitarfélaginu, Laxár í Aðaldal/Láxárdal sem eigi upptök sín í Mývatni í Skútustaðahreppi og renni til sjávar í Þingeyjarsveit. Goðaþing: Í rökstuðningi með tillögunni segir að nafnið feli í sér þríþætta vísum – Þorgeirs Ljósvetningagoða, Goðafoss sem sé nokkurn veginn í miðju sameinaðs sveitarfélags og svo einkennisfugls Mývatns, flórgoðans. Tillögur sem örnefnanefnd leggst ekki gegn Þingeyjarsveitir: Í tillögunni er vísað til til þeirrar hefðar að kenna svæðið við Þingey í Skjálfandafljóti og þar sem sameinað sveitarfélag sé myndað úr mörgum sveitum sé fleirtölumyndin lýsandi. Nefndin bendir þó á að ekki sé hefð fyrir því að fleirtölumyndin sveitir myndi eftirlið í nöfnum sveitarfélaga og nafnið Þineyjarsveitir sé ekki í samræmi við meginsjónarmið örnafnanefndar um nöfn sveitarfélaga. Mýþing: Í rökstuðningi með tillögunni kemur frma að nafnið vísi til Mývatns og mýsins sem þar þrífst og til orðsins þing. Nefndin segir þó ekki hefð fyrir því að nöfn sveitarfélaga séu leidd af nafni dýrategunda á þann hátt sem hér um ræðir. Fossaþing: Nefndin telur nafnið ekki sérkennandi fyrir byggðarlag fremur en mörg önnur. Í rökstuðningi með tillögunni segir að í sameinuðu sveitarfélagi séu margir af fegustu og þekktustu fossum landsins – Dettifoss, Hafragilsfoss, Selfoss, Goðagoss, Aldeyjarfoss, Ullarfoss og Hrafnabjargarfoss. Tillögur sem örnefnanefnd leggst gegn Andaþing: Í rökstuðningi með tillögunni segir að nafnið vísi til þess að mikill fjöldi andafugla hafist við á Mývatni á sumrun. Þá sé vísaði í kvæðið Sveitin mín eftir Sigurð Jónsson frá Arnarvatni þar sem fyrir koma vísuorðin Hér á andinn óðul sín/öll sem verða á jörðu fundin. Nefndin segir ekki hefð vera fyrir því að nöfn sveitarfélaga séu leidd af nafni dýratefunda og þá þyki nafnið heldur ekki sérkennandi fyrir sveitarfélag fremur en mörg önnur. Hraunborg: Í rökstuðningi með tillögunni segir að nafnið vísi til „eldfjallalandslagsins í hinu sameinaða sveitarfélagi sem myndaðist af stórum basalthraungosum fyrir um 2300 árum“. Þá sé einnig vísað til Ódáðahrauns. Nefndin segir ekki vera hefð fyrir því að leiða nafn sveitarfélags, eða byggðanöfn yfirhöfuð, beint af nafnorði eins og hraunborg (klettamyndanir úr hrauni), það er stærðfræðilegu samnefni. Í meginsjónarmiðum örnefnanefndar um nöfn sveitarfélaga er mælt með að eftirliðurinn -borg sé aðeins hafður um mjög stórt samfellt þéttbýilissvæði. Því komi ekki til greina að mæla með að eftirliðurinn -borg sé hafður um dreifbýlissveitarfélag. Tæplega tveir af hverjum þremur samþykktu sameininguna í Þingeyjarsveit og rúmlega þrír af hverjum fórum í Skútustaðahreppi.
Íslenska á tækniöld Sveitarstjórnarmál Skútustaðahreppur Þingeyjarsveit Tengdar fréttir Ekki gert ráð fyrir sveitarstjóra í nýju sveitarfélagi Ekki er gert ráð fyrir að sveitarstjóri verði ráðinn þegar sameining Skútustaðahrepps og Þingeyjarsveitar tekur gildi. Þrír sviðsstjórar og einn kjörinn fulltrúi munu þess í stað mynda framkvæmdastjórn sveitarfélagsins, sem verður víðfeðmasta sveitarfélag landsins. 15. mars 2022 14:11 Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Getur frelsað El Salvador-fangann en vill það ekki Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Hætta framleiðslu innanhúss og segja upp fólki Innlent Líkamsárás á veitingastað Innlent Fleiri fréttir Líkamsárás á veitingastað Pilturinn muni líklega afplána þriðjung átta ára dóms fyrir manndráp Hornafjörður gæti bjargað flugi Icelandair á Ísafjörð Gefur lítið fyrir tal um fyrningu Brot á trausti gagnvart félögum Lúðvíks sem vilji hjálpa Gætti trúnaðar eftir að erindi tengdamömmunnar barst Mun sjá eftir árásinni alla ævi Segir lögreglumann sem njósnaði hafa gert mistök Frekari breytingar í Valhöll Ofsakláði grípur Spaugstofumenn Lítur málið mjög alvarlegum augum Átta ár fyrir að bana Bryndísi Klöru Hætta framleiðslu innanhúss og segja upp fólki Kristófer Breki nýr formaður Vöku Skýrsla starfshóps um lagaumgjörð hvalveiða tilbúin Gætu þurft að endurskoða aukastörf lögreglumanna Mjöll Snæsdóttir er látin Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Sjá meira
Ekki gert ráð fyrir sveitarstjóra í nýju sveitarfélagi Ekki er gert ráð fyrir að sveitarstjóri verði ráðinn þegar sameining Skútustaðahrepps og Þingeyjarsveitar tekur gildi. Þrír sviðsstjórar og einn kjörinn fulltrúi munu þess í stað mynda framkvæmdastjórn sveitarfélagsins, sem verður víðfeðmasta sveitarfélag landsins. 15. mars 2022 14:11