Stutt í næstu lægð eftir sannkallað aftakaveður Sunna Karen Sigurþórsdóttir og Fanndís Birna Logadóttir skrifa 22. febrúar 2022 19:38 Það var sannkallað aftakaveður á landinu öllu í gær og í nótt. Vísir/Vilhelm Óvenju sterkar vindhviður mældust í aftakaveðrinu sem gekk yfir í nótt og slógu í hátt í sjötíu metra á sekúndu á hálendinu, sem er með því hærra sem sést hefur. Víðtækar samgöngu- og rafmagnstruflanir urðu, þök rifnuðu af húsum og uppblásið íþróttahús í Hveragerði jafnaðist við jörðu. Veðurfræðingur segir að næsta lægð, sem væntanleg er á föstudag, líti ekki sérstaklega vel út. Það var upp úr klukkan nítján í gærkvöld sem lægðin skall á af fullum krafti, þegar rauð viðvörun tók gildi, í annað sinn í þessum mánuði og í þriðja sinn frá upphafi. Vindhviður næturinnar eru með þeim sterkustu sem sést hafa en í efri byggðum náðu þær að 39 metrum á sekúndu, á Suðurlandi um 40 metrum og við Hafnarfjall um 50 metrum. Sterkastar voru hviðurnar í Kerlingarfjöllum þar sem þær náðu rúmum 67 metrum á sekúndu. Næsta lægðkemur á föstudaginn Elín Björk Jónsdóttir, veðurfræðingur, segir þessar vindhviður koma á fjöllum í flóknu landslagi og eru þær að hluta til búnar til af landslaginu. Aðspurð um hvort „Við erum auðvitað bara vön því í gegnum tíðina að fá á nokkra ára fresti svona djúpar og miklar lægðir og það er engin breyting svo sem á því,“ segir Elín aðspurð um hvort lægðirnar séu eitthvað sem landsmenn þurfa að venjast. Víða var mikill vatnselgur á höfuðborgarsvæðinu í gær en nú er tekið að frjósa og er flughált víða. „Síðan er útlit fyrir næstu lægð á föstudaginn og henni fylgir talsverð rigning þannig það þarf þá að fara í sömu aðgerðir og í gær, að moka frá niðurföllum og passa að vatn komist sinnar leiðar,“ segir Elín. Engar viðvaranir eru nú í gildi á landinu en appelsínugular viðvaranir taka gildi á Vestfjörðum í fyrramálið og gular viðvaranir á Norðurlandi. Þannig má gera ráð fyrir leiðinlegu veðri eitthvað áfram. „Það verður aðeins rólegra á fimmtudaginn en svo er næsta lægð á föstudaginn og hún lítur ekkert sérstaklega skemmtilega út,“ segir Elín. Lokanir, vatns- og foktjón víða Enn margir vegir lokaðir, flugsamgöngur fóru úr skorðum og víðtækt rafmagnsleysi var víða. Þrátt fyrir viðvaranir og lokanir var töluverð umferð um Hellisheiði og Þrengslin, þar sem fólk sat fast í bílum sínum klukkustundunum saman. „Fólk er tekið með snjóbílunum niður að Litlu kaffistofunni þar er því safnað í stærri bílana og ferjað niður úr og síðan ferjað niður í Þorlákshöfn, þar er fjöldahjálparstöð þannig að þetta eru sveitir sunnan heiða og hinum megin frá, frá höfuðborgarsvæðinu,“ sagði Haukur Harðarson, björgunarsveitarmaður í samtali við fréttastofu í gærkvöldi. Og hún var nokkuð drungaleg sjónin á heiðinni í morgun þar sem sjá mátti snævi þakta bílanna, en það var eitt af verkefnum viðbragðsaðila í dag að losa þá. Verkefnin voru á þriðja hundrað talsins og sneru flest að foktjóni og vatnslekum. „Ég held að það sé alveg óhætt að segja það að það er búið að vera mjög mikið að gera hjá okkur, við erum með fjórar slökkvistöðvar hérna og menn eru búnir að vera úti stanslaust nánast í allt kvöld,“ sagði Hafsteinn Halldórsson, aðstoðarvarðstjóri hjá slökkviliði höfuðborgarsvæðisins, í gær. „Þetta getur drekkt bílnum þínum ef þú ferð ekki varlega út í þetta það er búið að gerast á nokkrum stöðum,“ sagði Gunnar Ingi Sverrisson, björgunarsveitarmaður sem var að vinna við Miklubrautina í gær. „Við erum búnir að tína hlífar undan ansi mörgum bílum hérna upp á pollinum sem eru búnir að stífla niðurföllin. Fólk þarf að fara varlega, keyra hægt, og vera ekkert að keyra þessa polla á minni bílum, það sýnir sig,“ sagði Magnús Stefán Sigurðsson björgunarsveitarmaður, enn fremur. Staðan var slæm víða um land, til dæmis í Vestmannaeyjum en mest varð tjónið á Hamarshöllinni í Hveragerði. „Húsið hefur reynst afskaplega vel og núna finnum við þegar það er farið hvað litla íþróttahúsið er bara lítið og kemur aldrei til með að koma í staðinn fyrir það sem við höfðum þarna,“ segir Aldís Hafsteinsdóttir, bæjarstjóri í Hveragerði, í dag. Veður Óveður 21. og 22. febrúar 2022 Mest lesið Leggur viðskiptaþvinganir á rússneska olíurisa Erlent Kröfur kvennaárs komnar í innheimtu og gjalddaginn fallinn Innlent Segir tilvalin íbúðasvæði opnast með Sundabraut Innlent Niðurrif hafið á gamla Morgunblaðshúsinu Innlent Næstum öllum sagt upp hjá dótturfélagi Play Innlent Hafa drepið 34 í árásum á meinta smyglara Erlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Klórar sér í kollinum yfir kvennaverkfallinu Innlent Skora á ráðherra og segir skjaldborg slegið um vændiskaupendur Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira
Það var upp úr klukkan nítján í gærkvöld sem lægðin skall á af fullum krafti, þegar rauð viðvörun tók gildi, í annað sinn í þessum mánuði og í þriðja sinn frá upphafi. Vindhviður næturinnar eru með þeim sterkustu sem sést hafa en í efri byggðum náðu þær að 39 metrum á sekúndu, á Suðurlandi um 40 metrum og við Hafnarfjall um 50 metrum. Sterkastar voru hviðurnar í Kerlingarfjöllum þar sem þær náðu rúmum 67 metrum á sekúndu. Næsta lægðkemur á föstudaginn Elín Björk Jónsdóttir, veðurfræðingur, segir þessar vindhviður koma á fjöllum í flóknu landslagi og eru þær að hluta til búnar til af landslaginu. Aðspurð um hvort „Við erum auðvitað bara vön því í gegnum tíðina að fá á nokkra ára fresti svona djúpar og miklar lægðir og það er engin breyting svo sem á því,“ segir Elín aðspurð um hvort lægðirnar séu eitthvað sem landsmenn þurfa að venjast. Víða var mikill vatnselgur á höfuðborgarsvæðinu í gær en nú er tekið að frjósa og er flughált víða. „Síðan er útlit fyrir næstu lægð á föstudaginn og henni fylgir talsverð rigning þannig það þarf þá að fara í sömu aðgerðir og í gær, að moka frá niðurföllum og passa að vatn komist sinnar leiðar,“ segir Elín. Engar viðvaranir eru nú í gildi á landinu en appelsínugular viðvaranir taka gildi á Vestfjörðum í fyrramálið og gular viðvaranir á Norðurlandi. Þannig má gera ráð fyrir leiðinlegu veðri eitthvað áfram. „Það verður aðeins rólegra á fimmtudaginn en svo er næsta lægð á föstudaginn og hún lítur ekkert sérstaklega skemmtilega út,“ segir Elín. Lokanir, vatns- og foktjón víða Enn margir vegir lokaðir, flugsamgöngur fóru úr skorðum og víðtækt rafmagnsleysi var víða. Þrátt fyrir viðvaranir og lokanir var töluverð umferð um Hellisheiði og Þrengslin, þar sem fólk sat fast í bílum sínum klukkustundunum saman. „Fólk er tekið með snjóbílunum niður að Litlu kaffistofunni þar er því safnað í stærri bílana og ferjað niður úr og síðan ferjað niður í Þorlákshöfn, þar er fjöldahjálparstöð þannig að þetta eru sveitir sunnan heiða og hinum megin frá, frá höfuðborgarsvæðinu,“ sagði Haukur Harðarson, björgunarsveitarmaður í samtali við fréttastofu í gærkvöldi. Og hún var nokkuð drungaleg sjónin á heiðinni í morgun þar sem sjá mátti snævi þakta bílanna, en það var eitt af verkefnum viðbragðsaðila í dag að losa þá. Verkefnin voru á þriðja hundrað talsins og sneru flest að foktjóni og vatnslekum. „Ég held að það sé alveg óhætt að segja það að það er búið að vera mjög mikið að gera hjá okkur, við erum með fjórar slökkvistöðvar hérna og menn eru búnir að vera úti stanslaust nánast í allt kvöld,“ sagði Hafsteinn Halldórsson, aðstoðarvarðstjóri hjá slökkviliði höfuðborgarsvæðisins, í gær. „Þetta getur drekkt bílnum þínum ef þú ferð ekki varlega út í þetta það er búið að gerast á nokkrum stöðum,“ sagði Gunnar Ingi Sverrisson, björgunarsveitarmaður sem var að vinna við Miklubrautina í gær. „Við erum búnir að tína hlífar undan ansi mörgum bílum hérna upp á pollinum sem eru búnir að stífla niðurföllin. Fólk þarf að fara varlega, keyra hægt, og vera ekkert að keyra þessa polla á minni bílum, það sýnir sig,“ sagði Magnús Stefán Sigurðsson björgunarsveitarmaður, enn fremur. Staðan var slæm víða um land, til dæmis í Vestmannaeyjum en mest varð tjónið á Hamarshöllinni í Hveragerði. „Húsið hefur reynst afskaplega vel og núna finnum við þegar það er farið hvað litla íþróttahúsið er bara lítið og kemur aldrei til með að koma í staðinn fyrir það sem við höfðum þarna,“ segir Aldís Hafsteinsdóttir, bæjarstjóri í Hveragerði, í dag.
Veður Óveður 21. og 22. febrúar 2022 Mest lesið Leggur viðskiptaþvinganir á rússneska olíurisa Erlent Kröfur kvennaárs komnar í innheimtu og gjalddaginn fallinn Innlent Segir tilvalin íbúðasvæði opnast með Sundabraut Innlent Niðurrif hafið á gamla Morgunblaðshúsinu Innlent Næstum öllum sagt upp hjá dótturfélagi Play Innlent Hafa drepið 34 í árásum á meinta smyglara Erlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Klórar sér í kollinum yfir kvennaverkfallinu Innlent Skora á ráðherra og segir skjaldborg slegið um vændiskaupendur Innlent Fleiri fréttir Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag „Það getur einhver verið að tæla barnið þitt fyrir framan þig“ Sjá meira