Innlent

Mikil skerðing á skóla­starfi um allt land

Eiður Þór Árnason skrifar
Það verður mikið uim tómar skólastofur í dag.
Það verður mikið uim tómar skólastofur í dag. Vísir/Vilhelm

Mikil röskun er á skólastarfi víða um land vegna veðurs. Reglulegt skóla- og frístundastarf fellur niður á höfuðborgarsvæðinu á mánudag. Leikskólar og grunnskólar verða engu að síður opnir með lágmarksmönnun fyrir fólk sem þarf nauðsynlega á vistun fyrir börn sín að halda. Þar er um að ræða fólk sem sinnir neyðarþjónustu, löggæslu, slökkvistörfum og björgunarsveitarútköllum.

Frá þessu er greint í tilkynningu frá almannavarnanefnd höfuðborgarsvæðisins. Skólahald á Austurlandi fellur að hluta niður og verða frekari upplýsingar sendar foreldrum og forráðamönnum. 

Árborg tilkynnti fyrr í dag að stofnanir sveitarfélagsins verði lokaðar fram til klukkan 12 vegna veðurs og öllu skólahaldi í leik- og grunnskólum Akureyrarbæjar, sem og Tónlistarskólanum á Akureyri, hefur verið aflýst.

Skólahald á Hellu og Hvolsvelli hefur verið fellt niður en skólahald hefst á Akranesi klukkan tíu. Kennsla í Þjórsárskóla og Leikskólanum Leikholti í Skeiða og Gnúpverjahreppi fellur niður. 

Einnig fer staðarnám ekki fram í byggingum Háskóla Íslands og hið sama á við um fjölda framhaldsskóla.

Röskun er á skólastarfi á fleiri stöðum um allt land og má gjarnan finna upplýsingar um það á vefsíðum sveitarfélaga. Einnig kemur það í hlut skólastjórnenda að tilkynna forráðamönnum um stöðu mála. 

Skóla - og menntamál Grunnskólar Leikskólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið