Erlent

Minnst 26 létust þegar raf­magns­lína féll á verslunar­fólk

Hallgerður Kolbrún E. Jónsdóttir skrifar
Minnst 26 létust þegar rafmagnslína slitnaði á markaði í Kinshasa.
Minnst 26 létust þegar rafmagnslína slitnaði á markaði í Kinshasa. Getty/Per-Anders Pettersson

Minnst 26 létust eftir að þeir fengu raflost þegar rafmagnslína féll á hóp fólks á markaði nærri höfuðborginni Kinshasa í Austur-Kongó í dag. 

Háspennulínan féll á bæði hús og vegfarendur en óvíst er hvað varð til þess að rafmagnslínan slitnaði í tvennt og féll. 

Orkustofnun ríkisins sagði í yfirlýsingu að hún teldi að rafmagnslínan hafi orðið fyrir eldingu, sem varð til þess að hún slitnaði og féll til jarðar. Lögreglan gaf þá út yfirlýsingu og sagði að slysið hafi orðið í Matadi-Kibala hverfinu í útjaðri Kinshasa og að fjöldi fólks hafi látist á staðnum. 

Staðarmiðlar hafa gefið það út að meirihluti fórnarlambanna hafi verið verslunarkonur. 

Þá lýsti talsmaður yfirvalda í Kinshasa því að miklar rigningar hafi verið á svæðinu síðustu daga og að rafmagnslínan hafi fallið ofan í poll á götunni. Vatnið hafi leitt rafmagnið að fórnarlömbunum, sem nú hafa verið flutt í líkhús. 

Austur-Kongó
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið