1.539 greindust innanlands

Atli Ísleifsson skrifar 26. janúar 2022 10:21

1.539 greindust með kórónuveiruna innanlands í gær og 58 á landamærum.

Frá þessu segir á síðunni covid.is. 11.744 eru nú í einangrun vegna Covid-19, en voru 11.639 í gær. Upplýsingar um fjölda fólks í sóttkví eru ekki uppfærðar í dag, þar sem mikill fjöldi fólks losnaði væntanlega úr sóttkví á miðnætti vegna nýrra reglna yfirvalda.

38 eru nú á sjúkrahúsi með Covid-19, en voru fjörutíu í gær. Þrír eru á gjörgæslu, en voru fjórir í gær.

5.165 einkennasýni voru greind í gær, 2.479 sóttkvíarsýni og 695 landamærasýni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 4.883, en var 4.778 í gær. Nýgengi á smiti á landamærum er nú 327, en var 327 í gær.

Alls hafa 61.737 greinst með kórónuveiruna hér á landi frá því faraldurinn hófst í lok febrúar á þarsíðasta ári. Sautján prósent íbúa hafa nú greinst með Covid-19. 45 hafa látist á Íslandi vegna COVID-19 frá upphafi faraldursins.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.