Erlent

Fæddi „krafta­verka­barn“ í há­loftunum

Viktor Örn Ásgeirsson skrifar
Barnið fæddist um borð í flugvél flugfélagsins Qatar.
Barnið fæddist um borð í flugvél flugfélagsins Qatar. Getty/Economou

Kona fæddi barn í flugi flugfélagsins Qatar á leið frá höfuðborginni Doha til Úganda í vikunni. Blessunarlega var læknir um borð sem tók á móti barninu. Móður og barni heilsast vel.

Dr. Aisha Khatib, læknir og prófessor við Háskólann í Toronto, var í vélinni á leið til Úganda. Áhöfn flugvélarinnar spurði skyndilega í kallkerfi vélarinnar hvort læknir væri um borð. Khatib svaraði kallinu um leið.

Í ljós kom að farandverkakona frá Úganda væri við það að fæða barn í vélinni og dreif Khatib sig þá til aðstoðar. 

„Ég sá fólk hópast í kringum konuna og hélt fyrst að einhver væri að fá hjartaáfall. Þegar ég komst nær sá ég glitta í höfuð barnsins. Ég tók á móti barninu, sem var stúlka, og allir í vélinni klöppuðu,“ segir Khatib við Breska ríkisútvarpið. Til aðstoðar voru einnig hjúkrunarfræðingur og barnalæknir.

Konan nefndi bandið „Miracle“ eða kraftaverk og hlaut stúlkan eftirnafnið Aisha eftir lækninum. 

Úganda Fréttir af flugi Katar Börn og uppeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið