Handbolti

Svartfellingar látnir skipta um hótel og danski þjálfarinn fagnaði því

Óskar Ófeigur Jónsson skrifar
Nikolaj Jacobsen gerði Dani að heimsmeisturum í Egyptalandi í fyrra.
Nikolaj Jacobsen gerði Dani að heimsmeisturum í Egyptalandi í fyrra. EPA-EFE/KHALED ELFIQI

Kórónuveiran hefur sett mikinn svip á aðdraganda Evrópumótsins í handbolta eins og allt annað í heiminum í dag. Hún hefur líka séð til að þess að lið hafa þurft að yfirgefa hótel sín.

Svartfellingar hafa verið í vandræðum með veiruna en þeir áttu að deila hóteli með hinum liðunum í A-riðlinum. TV2 segir frá því að evrópska handboltasambandið hafi ákveðið að færa Svartfellinga á annað hótel.

Ástæðan er sögð vera öryggisráðstafanir en það var vitað af einhverjum smitum meðal leikmanna liðsins. Liðið gistir nú á hóteli sem er í um 30 kílometra fjarlægð frá Debrecen þar sem leikirnir fara fram.

Nikolaj Jacobsen, þjálfari danska landsliðsins, fagnaði fréttunum.

„Öll liðin hafa verið að borða á sama hlaðborði og það hefur verið þröngt í matsalnum. Sú staðreynd að Svartfjallaland er ekki lengur á hótelinu okkar hefur okkur meira pláss,“ sagði Jacobsen við DR Sporten.

Fyrsti leikur Dana er einmitt á móti Svartfjallalandi í kvöld.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.