Innlent

Dagur áfram í pólitíkinni

Hólmfríður Gísladóttir skrifar
Dagur býður sig fram til endurkjörs.
Dagur býður sig fram til endurkjörs. Vísir/Vilhelm

Dagur B. Eggertsson hyggst halda áfram í pólitík og gefa kost á sér í prófkjöri Samfylkingarinnar fyrir sveitarstjórnarkosningarnar í vor. Hann greindi frá þessu í samtali við Morgunútvarp Rásar 2 rétt í þessu.

Dagur var meðal annars spurður að því hvort að hann óttaðist ekki að missa Viðreisn í faðm Sjálfstæðisflokksins, sem mældist enn stærsti flokkurinn í borginni. Hann gæti þá setið eftir sem óbreyttur borgarfulltrúi næstu ár.

Borgarstjóri sagðist ekki beint óttast það en vissulega veltu menn fyrir sér öllum mögulegum útkomum. Menn væru hins vegar ekki í stjórnmálum vegna fyrirsjáanleika, heldur vegna ástríðu.

Spurður að því hvað hann ætlaði að gera á nýju kjörtímabili sagði Dagur mörg stór mál í gangi, til að mynda skipulags- og samgöngumál. Fólk vissi nokkurn veginn fyrir hvað hann stæði. Hann ætlaðist ekki til þess að allir væru sammála honum en vonaðist að flestir væru sammála um að vilja byggja Reykjavík upp sem borg lífsgæða og lýðheilsu; um það snérust kosningarnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.