Búið að skemma aðventuna fyrir ástvinum þeirra sem hvíla í Heydalakirkjugarði Hallgerður Kolbrún E. Jónsdóttir skrifar 22. desember 2021 11:48 Rósa fann meðal annars brotinn kross þegar hún heimsótti garðinn. Hana grunar að krossinn hafi brotnað þegar tré á leiði ömmu hennar var sagað í tvennt. Vísir „Það er búið að vinna skemmdarverk á leiðunum hjá fólkinu mínu,“ segir Rósa Elísabet Erlendsdóttir, íbúi á Breiðdalsvík. Hún heimsótti leiði ættvina sinna í Heydalakirkjugarði nú fyrir jól til að votta þeim virðingu en kom að þökulögðum leiðum, brotnum krossum og afsöguðum trjábolum. „Ég veit ekki hvað gerðist þarna. Ég held það hafi bara verið sóknarnefndin að skemmta sér eða eitthvað. Ég veit ekki hvað vakti fyrir þeim,“ segir Rósa í samtali við fréttastofu en Austurfrétt greindi frá málinu í gær. Fjöldi fólks hefur gagnrýnt sóknarnefndina í Breiðdal vegna málsins en hún tók sig til síðla sumars og fór í viðhald á kirkjugarðinum. Margir eru þó ósáttir með hve illa var staðið að málum. Stór svæði voru þökulögð, tré og hríslur skornar eða fjarlægðar og Rósa kom að brotnum krossi, sem hún telur hafa orðið undir trjátoppi sem sagaður var af leiði ömmu hennar. Kross á næsta leiði við leiði ömmu Rósu var brotinn þegar hún kom í garðinn.Aðsend Hún segir sóknarnefndina hvorki hafa haft samband við sig né aðra íbúa Breiðdals, sem eigi ættingja í kirkjugarðinum, áður en farið var í verkið. „Það búa svo margir í Breiðdalnum að þau komust ekki yfir það sóknarnefndin. Ætli íbúar nái ekki 180 manns með sveitunum og öllu,“ segir Rósa. Vill fá skýringu á því hvers vegna ráðist var á hrísluna Í svari sóknarnefndar við gagnrýni Rósu og fjölskyldu hennar, sem systir Rósu birti á Facebook, segir að ásetningur nefndarinnar hafi verið að snyrta og gera garðinn fínan, en ekki skemma neitt. Þá hafi umræddur kross ekki verið brotinn við tiltektina og tekin hafi verið ákvörðun um að fjarlægja tré sem voru illa farin. Hríslan á leiði frænda Rósu var skorin niður og drumburinn skilinn eftir.Aðsend „Við vonum að umræddur reyniviður muni taka aftur við sér þegar vorar á ný og nýir sprotar vaxi út úr stofninum sem skilinn var eftir,“ segir í svari sóknarnefndarinnar. Rósa gefur lítið fyrir þessi svör. „Ef maður skoðar myndir af hríslunni sér maður að hún er ekki brotin, hún er ekki fyrir og ekki stór. Ég vil bara fá skýringu á því af hverju þurfti að ráðast á þessa hríslu núna. Það er meiri úrsér vaxinn gróður í garðinum sem var látinn vera. Það er svo hlýlegt að koma í garðinn og sjá gróður, eitthvað lifandi og fallegt, þegar maður er að koma og heimsækja ástvini,“ segir Rósa. Sóknarnefndin eigi að vita hvernig ganga eigi um kirkjugarða Sóknarnenfndin segist sömuleiðis hafa óskað eftir aðstoð á samfélagsmiðlum í vor áður en ráðist var í verkið en litlar undirtektir fengið. Rósa segist ekki hafa séð þá auglýsingu. „Ég tók ekki eftir því, það er ekki víst að ég hafi verið heima. Ég veit það ekki. En það getur ekki verið eðlilegt að hleypa hverjum sem er inn í garðinn og rétta þeim sög og bjóða þeim að gjöra svo vel. Ég tel það ekki eðlilega umgengni við leiði,“ segir Rósa. Tráð sem var á leiði ömmu Rósu var sömuleiðis sagað niður.Aðsend „Ég er alla vega alin upp við það hjá mömmu og pabba að ákveðnar siðareglur giltu í kirkjugörðum. Við mættum ekki stíga á leiðin, það ætti að sýna þeim virðingu og ganga vel um. Og ekki fjarlægja hluti af leiðum í leyfisleysi. Það eru ákveðnar siðareglur og ég held að sóknarnefndin ætti að vita það og fullorðið fólk yfir höfuð.“ Gróðursetti reyninn á leiði bróður síns sem lést 13 ára gamall Hún segir íbúa marga ósátta við tiltekina þó sóknarnefnd þyki íbúar eiga að vera þakkláta. „Við eigum bara að vera þakklát fyrir þetta. Þau hafi unnið sjálfboðavinnu og við eigum bara að vera þakklát. Og spyrja hvers konar vanþakklæti þetta er eiginlega hjá okkur. Blómin muni koma upp undan þökunum í góðri tíð í vor og tréð muni örugglega spretta aftur í vor segja þau. Tréð mun ekkert taka við sér í vor, það er búið að drepa það,“ segir Rósa. Rósa segist sjá mikið eftir reynihríslunni sem prýtt hafi leið frænda síns. Faðir hennar hafi sett það niður fyrir fimmtíu árum síðan. Hér má sjá ásýnd reynihríslunnar fyrir nokkrum sumrum.Aðsend „Það munar tveimur árum á pabba og bróður hans, sem dó þrettán ára gamall. Það er örugglega ekkert gaman að horfa á hann veslast upp í veikindum og svo reynir pabbi að gera leiðið hans fallegt, örugglega bara fyrir sjálfan sig líka. Og þegar pabbi er dáinn sé ráðist svona á leiðið af svona illsku,“ segir hún. „Mér finnst það bara mjög ljótt og mjög sárt að það skuli ekki vera betra innrætt fólk hérna sem umgengst garðinn. Það er bara mjög sárt.“ Ekkert hafi heyrst frá prestum sóknarinnar um málið. „Þetta er búið að skemma aðventuna að koma svona að leiði ástvina. Þetta er mjög ljótt,“ segir Rósa. „Fólk sem gengur svona um kirkjugarða ætti ekkert að umgangast þá. Það ætti bara að skammast sín og vera heima.“ Fréttastofa hafði samband við formann sóknarnefndarinnar sem vildi ekki ræða málið frekar. Kirkjugarðar Fjarðabyggð Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Arnar Þór vantaði sex meðmæli upp á Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Harvey Weinstein lagður inn á spítala Erlent Fleiri fréttir Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Sjá meira
„Ég veit ekki hvað gerðist þarna. Ég held það hafi bara verið sóknarnefndin að skemmta sér eða eitthvað. Ég veit ekki hvað vakti fyrir þeim,“ segir Rósa í samtali við fréttastofu en Austurfrétt greindi frá málinu í gær. Fjöldi fólks hefur gagnrýnt sóknarnefndina í Breiðdal vegna málsins en hún tók sig til síðla sumars og fór í viðhald á kirkjugarðinum. Margir eru þó ósáttir með hve illa var staðið að málum. Stór svæði voru þökulögð, tré og hríslur skornar eða fjarlægðar og Rósa kom að brotnum krossi, sem hún telur hafa orðið undir trjátoppi sem sagaður var af leiði ömmu hennar. Kross á næsta leiði við leiði ömmu Rósu var brotinn þegar hún kom í garðinn.Aðsend Hún segir sóknarnefndina hvorki hafa haft samband við sig né aðra íbúa Breiðdals, sem eigi ættingja í kirkjugarðinum, áður en farið var í verkið. „Það búa svo margir í Breiðdalnum að þau komust ekki yfir það sóknarnefndin. Ætli íbúar nái ekki 180 manns með sveitunum og öllu,“ segir Rósa. Vill fá skýringu á því hvers vegna ráðist var á hrísluna Í svari sóknarnefndar við gagnrýni Rósu og fjölskyldu hennar, sem systir Rósu birti á Facebook, segir að ásetningur nefndarinnar hafi verið að snyrta og gera garðinn fínan, en ekki skemma neitt. Þá hafi umræddur kross ekki verið brotinn við tiltektina og tekin hafi verið ákvörðun um að fjarlægja tré sem voru illa farin. Hríslan á leiði frænda Rósu var skorin niður og drumburinn skilinn eftir.Aðsend „Við vonum að umræddur reyniviður muni taka aftur við sér þegar vorar á ný og nýir sprotar vaxi út úr stofninum sem skilinn var eftir,“ segir í svari sóknarnefndarinnar. Rósa gefur lítið fyrir þessi svör. „Ef maður skoðar myndir af hríslunni sér maður að hún er ekki brotin, hún er ekki fyrir og ekki stór. Ég vil bara fá skýringu á því af hverju þurfti að ráðast á þessa hríslu núna. Það er meiri úrsér vaxinn gróður í garðinum sem var látinn vera. Það er svo hlýlegt að koma í garðinn og sjá gróður, eitthvað lifandi og fallegt, þegar maður er að koma og heimsækja ástvini,“ segir Rósa. Sóknarnefndin eigi að vita hvernig ganga eigi um kirkjugarða Sóknarnenfndin segist sömuleiðis hafa óskað eftir aðstoð á samfélagsmiðlum í vor áður en ráðist var í verkið en litlar undirtektir fengið. Rósa segist ekki hafa séð þá auglýsingu. „Ég tók ekki eftir því, það er ekki víst að ég hafi verið heima. Ég veit það ekki. En það getur ekki verið eðlilegt að hleypa hverjum sem er inn í garðinn og rétta þeim sög og bjóða þeim að gjöra svo vel. Ég tel það ekki eðlilega umgengni við leiði,“ segir Rósa. Tráð sem var á leiði ömmu Rósu var sömuleiðis sagað niður.Aðsend „Ég er alla vega alin upp við það hjá mömmu og pabba að ákveðnar siðareglur giltu í kirkjugörðum. Við mættum ekki stíga á leiðin, það ætti að sýna þeim virðingu og ganga vel um. Og ekki fjarlægja hluti af leiðum í leyfisleysi. Það eru ákveðnar siðareglur og ég held að sóknarnefndin ætti að vita það og fullorðið fólk yfir höfuð.“ Gróðursetti reyninn á leiði bróður síns sem lést 13 ára gamall Hún segir íbúa marga ósátta við tiltekina þó sóknarnefnd þyki íbúar eiga að vera þakkláta. „Við eigum bara að vera þakklát fyrir þetta. Þau hafi unnið sjálfboðavinnu og við eigum bara að vera þakklát. Og spyrja hvers konar vanþakklæti þetta er eiginlega hjá okkur. Blómin muni koma upp undan þökunum í góðri tíð í vor og tréð muni örugglega spretta aftur í vor segja þau. Tréð mun ekkert taka við sér í vor, það er búið að drepa það,“ segir Rósa. Rósa segist sjá mikið eftir reynihríslunni sem prýtt hafi leið frænda síns. Faðir hennar hafi sett það niður fyrir fimmtíu árum síðan. Hér má sjá ásýnd reynihríslunnar fyrir nokkrum sumrum.Aðsend „Það munar tveimur árum á pabba og bróður hans, sem dó þrettán ára gamall. Það er örugglega ekkert gaman að horfa á hann veslast upp í veikindum og svo reynir pabbi að gera leiðið hans fallegt, örugglega bara fyrir sjálfan sig líka. Og þegar pabbi er dáinn sé ráðist svona á leiðið af svona illsku,“ segir hún. „Mér finnst það bara mjög ljótt og mjög sárt að það skuli ekki vera betra innrætt fólk hérna sem umgengst garðinn. Það er bara mjög sárt.“ Ekkert hafi heyrst frá prestum sóknarinnar um málið. „Þetta er búið að skemma aðventuna að koma svona að leiði ástvina. Þetta er mjög ljótt,“ segir Rósa. „Fólk sem gengur svona um kirkjugarða ætti ekkert að umgangast þá. Það ætti bara að skammast sín og vera heima.“ Fréttastofa hafði samband við formann sóknarnefndarinnar sem vildi ekki ræða málið frekar.
Kirkjugarðar Fjarðabyggð Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Lögregla kölluð út vegna ungmenna til leiðinda í sundlaug Innlent Gefur lítið fyrir útskýringar fréttastjórans Innlent Helga lenti einnig í vandræðum Innlent Arnar Þór vantaði sex meðmæli upp á Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Harvey Weinstein lagður inn á spítala Erlent Fleiri fréttir Arnar Þór vantaði sex meðmæli upp á Sprengisandur: Peningastefna, ESB og lagareldi Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Sjá meira