286 greindust innan­lands í gær og hafa aldrei verið fleiri

Þetta kemur fram á síðunni covid.is. Þetta kemur fram á síðunni covid.is. 2.023 eru nú í einangrun vegna Covid-19 samanborið við 1.817 í gær. 3.028 eru nú í sóttkví, en voru 2.806 í gær. 383 eru nú í skimunarsóttkví.

Á vef Landspítalans segir að tólf sjúklingar liggi nú inni á Landspítala vegna COVID-19. Meðalaldur inniliggjandi sé 58 ár. Þá eru tveir á gjörgæslu og er annar þeirra í öndunarvél.

27 smit kom upp á landamærunum í gær – sautján virk smit í fyrri landamæraskimun og er niðurstöðu mótefnamælingar beðið í tilviki tíu.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 615,2, en var 568,9 í gær. Nýgengi á smiti á landamærum er nú 47,5 samanborið við 43,4 í gær.

Alls voru tekin 2249 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1525 sýni tekin á landamærunum eða í seinni landamæraskimun og 916 í svokallaðri sóttkvíar- og handahófsskimun. Þá voru 280 sýni tekin í skimun hjá Íslenskri erfðagreiningu.

Alls hafa 21.215 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 37 andlát verið rakin til COVID-19 hér á landi frá upphafi faraldursins.