Innlent

Einar Karl, Nanna og Þorsteinn metin hæfust

Kolbeinn Tumi Daðason skrifar
Einar Karl Hallvarðsson, ríkislögmaður.
Einar Karl Hallvarðsson, ríkislögmaður.

Einar Karl Hallvarðsson ríkislögmaður er að mati dómnefndar hæfastur umsækjenda til að hljóta skipun í embætti dómara við Héraðsdóm Suðurlands.

Frá þessu er greint á vef dómsmálaráðuneytisins. Þá segir dómnefndin að Nanna Magnadóttir, formaður úrskurðarnefndar umhverfis- og auðlindamála, og Þorsteinn Magnússon, framkvæmdastjóri óbyggðanefndar, séu hæfust til að hljóta skipun í embætti dómara hjá Héraðsdómi Reykjavíkur. Nefndin gerir ekki upp á milli þeirra.

Tvö embætti héraðsdómara voru auglýst til umsóknar þann 15. október síðastliðinn.Annars vegar er um að ræða embætti dómara með fyrsta starfsvettvang hjá Héraðsdómi Reykjavíkur og hins vegar embætti dómara með fyrsta starfsvettvang hjá Héraðsdómi Suðurlands.

Samtals bárust tíu umsóknir en tveir umsækjenda sóttu einungis um síðarnefnda embættið.

Niðurstaða dómnefndar er sú að Einar Karl sé hæfastur umsækjenda til að hljóta skipun í embætti dómara með fyrsta starfsvettvang hjá Héraðsdómi Suðurlands. Það er jafnframt niðurstaða dómnefndar að Nanna og Þorsteinn séu hæfust umsækjenda til að hljóta skipun í embætti dómara með fyrsta starfsvettvang hjá Héraðsdómi Reykjavíkur, og verði ekki gert upp á milli þeirra tveggja.

Dómnefndina skipuðu þau Eiríkur Tómasson formaður, Kristín Benediktsdóttir, Óskar Sigurðsson, Sigríður Þorgeirsdóttir og Þorgeir Örlygsson. Það kemur í hlut Jóns Gunnarssonar innanríkisráðherra að skipa dómara.

Dómstólar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið