Körfubolti

Öruggur sigur Njarðvíkinga gegn ÍR

Hjörtur Leó Guðjónsson skrifar
Haukur Helgi Pálsson átti flottan leik fyrir Njarðvíkinga í kvöld.
Haukur Helgi Pálsson átti flottan leik fyrir Njarðvíkinga í kvöld. Vísir/Hulda Margrét

Njarðvíkingar unnu í kvöld öruggan sigur er liðið tók á móti ÍR í Subway-deild karla í körfubolta. Heimamenn tóku forystuna snemma leiks og sigur þeirra var í raun aldrei í hættu, en lokatölur urðu 109-81.

Njarðvíkingar virtust sterkari aðilinn allt frá upphafi og leiddu með sjö stigum að fyrsta leikhluta loknum. Liðið vann svo annan leikhluta með 14 stigum og staðan í hálfleik var því 57-36.

Meira jafnræði var með liðunum í síðari hálfleik, en það var þó aldrei spurning hvorum megin sigurinn myndi enda. Njarðvíkingar unnu að lokum 28 stiga sigur, 109-81.

Haukur Helgi Pálsson átti flottan leik í liði Njarðvíkinga og skoraði 18 stig ásamt því að taka sjö fráköst og gefa tvær stoðsendingar. Stigahæstur heimamanna var þó Dedrick Deon Basile með 19 stig. 

Í liði gestanna voru þeir Triston Isaiah Simpson og Jordan Semple atkvæðamestir með 17 stig hvor.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.