Innlent

Mílufrumvarpinu vísað til nefndar en frestur til athugasemda að renna út

Gunnar Reynir Valþórsson skrifar
Salan á Mílu var rædd á Alþingi í gærkvöldi.
Salan á Mílu var rædd á Alþingi í gærkvöldi. Vísir/Vilhelm

Umræða um Mílufrumvarpið svokallaða, frumvarp Áslaugar Örnu Sigurbjörnsdóttur vísinda-, iðnaðar- og nýsköpunarráðherra um breytingar á lögum um fjarskipti, fór fram á Alþingi í gær.

Þingfundur stóð til að verða 22 í gærkvöldi og lauk honum með því að frumvarpinu var vísað til umhverfis- og samgöngunefndar áður en það verður tekið til annarrar umræðu. 

Frumvarpinu er ætlað að taka á ýmsum þáttum sem hafa komið upp vegna sölunnar á Mílu en frestur íslenska ríkisins til að koma fram með athugasemdir vegna kaupa franska sjóðstýringafélagsins Ardian á innviðum Mílu rennur út þann 17. desember næstkomandi. 

Í greinargerð með frumvarpinu kemur t.d. fram að þar séu gerðar ítarlegri kröfur til fjarskiptafyrirækja um áhættustýringu og viðbúnað. Ekki síst að því er varðar útvistun rekstrarþátta út fyrir íslenska lögsögu. 

Lögfest verði ákvæði sem lúta að staðsetningu fjarskiptaneta. Skýrar verði kveðið á um eftirlitsheimildir Fjarskiptastofu og hlutverk stofnunarinnar er varðar almannahagsmuni og þjóðaröryggi.

Þá er lagt til að ráðherra geti bundið erlenda fjárfestingu skilyrðum í því skyni að koma í veg fyrir að hún geti ógnað öryggi landsins.

Salan á Mílu Fjarskipti Alþingi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið