Svandís og Guðmundur fara í nýja ráðherrastóla

Tryggvi Páll Tryggvason skrifar 28. nóvember 2021 11:59

Svandís Svavarsdóttir og Katrín Jakobsdóttir verma tvo af þremur ráðherrastólum VG. Foto: Vilhelm Gunnarsson/Vilhelm Gunnarsson

Eins og búist var við verður Katrín Jakobsdóttir forsætisráðherra í nýrri ríkisstjórn Vinstri hreyfingarinnar - græns framboðs, Framsóknarflokksins og Sjálfstæðisflokksins.

Svandís Svavarsdóttir færir sig úr heilbrigðisráðuneytinu og tekur við sem matvæla, sjávarútvegs- og landbúnaðarráðherra.

Þá mun Guðmundur Ingi Guðbrandsson, núverandi umhverfisráðherra, taka við sem félags- og vinnumarkaðsráðherra.

Þetta staðfesti Katrín við fréttastofu að loknum þingflokksfundi þingflokks VG þar sem ráðherraskipan flokksins í nýrri ríkisstjórn, sem formlega verður kynnt klukkan eitt í dag.

Klippa: Katrín Jakobsdóttir um ráðherralista VG

Þá sagði Katrín einnig að embætti forseta Alþingis myndi falla í skaut Sjálfstæðisflokksins.

Ný ríkisstjórn verður kynnt til leiks klukkan eitt. Fylgjast má með beinni útsendingu frá blaðamannafundinum hér.

Ríkisstjórn Katrínar Jakobsdóttur Vinstri græn Félagsmál Vinnumarkaður Sjávarútvegur Landbúnaður Matvælaframleiðsla

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.