126 greindust innanlands í gær

Atli Ísleifsson skrifar 18. nóvember 2021 09:21

Rúmlega 16 þúsund manns hafa greinst með kórónuveiruna hér á landi frá upphafi faraldursins. Vísir/Vilhelm

126 greindust með kórónuveiruna innanlands í gær. 67 af þeim 126 sem greindust innanlands í gær voru í sóttkví við greiningu, eða 53 prósent. 59 voru utan sóttkvíar, eða 47 prósent.

Þetta kemur fram á síðunni Covid.is.1.786 eru nú í einangrun vegna Covid-19, en voru 1.783 í gær. 2.289 eru nú í sóttkví, en voru 2.503 í gær. 257 eru nú í skimunarsóttkví.

Tuttugu eru nú inniliggjandi á sjúkrahúsum á landinu vegna Covid-19, samanborið við 21 í gær. Þá eru fjórir á gjörgæslu vegna Covid-19 líkt og í gær.

Sex smit kom upp á landamærunum í gær – fjögur virk smit í fyrri landamæraskimun og er niðurstöðu mótefnamælingar beðið í tilviki tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 562,3, en var 567,2 í gær. Nýgengi á smiti á landamærum er nú 29,2 en var 30,0 í gær.

Alls hafa 16.243 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 2.089 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 741 sýni tekin á landamærunum eða í seinni landamæraskimun og 861 í svokallaðri sóttkvíar- og handahófsskimun. Þá var 81 sýni tekið hjá Íslenskri erfðagreiningu.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.