Spennandi jólapakkar fyrir krakka

Jólin eru hátíð barnanna en það er oft þrautin þyngri að finna réttu gjöfina undir tréð handa þeim. Við tókum saman nokkrar tillögur að fallegum og skemmtilegum gjöfum sem munu vekja lukku.

Ímyndunaraflið stekkur af stað

Smoby Flextreme-bílabrautin er stórskemmtileg fyrir krakka fjögurra ára og eldri og hleypir ímyndunaraflinu heldur betur af stað. Sveigjanlegir teinarnir virka þannig að hægt er að byggja bílabrautina yfir stóla og borð, hengja undir hillur og upp á veggi og jafnvel í hringi. Bílarnir eru “fastir” við brautina og detta því ekki af þó þeir fari á hvolf. Þeir eru á stórum dekkjum og með ljósum. Smoby Flextreme- bílabrautin vann til verðlauna sem besta nýja leikfangið í Frakklandi árið 2020.

Krúttbomba sem kann að dansa

Dúlludúskurinn Poppy Dancing Pug er nýjasta dýrið í Pets Alive línunni. Hann er algjört krútt og skemmtilegur fyrir alla krakka eldri en 3 ára og jafnvel fyrir ömmu líka. Hann dansar, snýst í hringi, dillar skottinu og snýr höfðinu um leið og hann spilar fjörug og skemmtileg lög.

Töfrasprotinn stjórnar ferðinni

Glitsee bíllinn er algjör draumabíll fyrir dúkkuleikinn. Tvær dúkkur komast í bílinn og geta farið í hressilegan bíltúr. Bíllinn er með öryggisbeltum sem er kannski eins gott því bílnum er hægt að stjórna með töfrasprota! Sveiflaðu sprotanum til vinstri og bíllinn beygir um leið. Glitsee bíllinn er á frábæru verði og spennandi gjöf undir jólatréð.

Skemmtilegir aukahlutir

Angel High dúkkurnar eru svakalegar skvísur og þeim fylgja allskonar skemmtilegir aukahlutir sem er gaman að safna. Aukahlutirnir eru til dæmis hárlokkur sem breytir um lit, hárbursti, föt, vængir, eyrnalokkar og ýmislegt fleira. Vængirnir eru með klemmu svo eigandi dúkkunnar getur notað hann sem hárspennu.

Bleian breytir um lit í baði

Einhyrningabörn í bolta eru afar falleg gjöf en þessar dúllur koma í litlu eggi og það kemur algjörlega á óvart hvað leynist í egginu. Eggið breytist í vöggu fyrir einhyrningabarnið og til þess að vita hvort það er strákur eða stelpa seturðu barnið í bað og þá breytir bleian um lit. Mismunandi fylgihlutir koma einnig upp úr egginu sem gaman er að safna.

Glitrandi glimmer og bling

Rainbocorns serían nýtur mikilla vinsælda og þá sérstaklega fyrir það óvænta en eigandinn veit ekkert hvað leynist í egginu eða í sjeiknum fyrr en hann opnar. Þá kemur í ljós hvaða heilladýr býr í egginu, hvernig það ilmar og hvaða litlu aukahlutir fylgja með. Glitrandi glimmer og bling einkennir Rainbocorns heilladýrin og það er hægt að breyta þeim að vild. Hægt er að safna 26 mismunandi heilladýrum.

Vörurnar færðu í Dotabudin.is, Leikfangalandi, Elko, Vaski Egilsstöðum, Hans og Grétu, Kaupfélagi Skagfirðinga, Kaupfélagi Borgfirðinga, Fríhöfninni og Byko.