Einn þeirra sem fór út í geim með Shatner lést í flug­slysi

Flugslysið varð rétt fyrir klukkan 15 á staðartíma í gær og ásamt de Vries lést Thomas P. Fischer.

Í Twitter-færslu Blue Origin segir að starfsfólk fyrirtækisins sé miður sín eftir skyndilegt dauðsfall de Vries. Þá segir að hann hafi blásið miklu lífi og orku í starfsemi Blue Origin og samferðamenn sína. Flugástríðu hans, góðgerðarstarfi og elju í starfi verði lengi minnst.

Í frétt CBS um málið segir að bandarísk flugmálayfirvöld hafi slysið til rannsóknar.

Þá segir að de Vries hafi verið stofnandi Medidata Solutions, mest notaða læknisfræðirannsóknagagnagrunns heims og frístundaflugmaður.