Kvöldfréttir Stöðvar 2

Vésteinn Örn Pétursson skrifar 8. nóvember 2021 18:00

Kvöldfréttirnar eru á dagskrá klukkan 18:30.

Móðir níu ára stúlku hefur kært starfsmann Gerðaskóla í Garði til lögreglu fyrir ofbeldi gegn dóttur sinni. Hann hafi snúið stelpuna niður þegar hún klóraði í áttina að honum. Hún segir það viðtekna venju í skólanum að læsa börn með raskanir eða sem starfsfólkið ræður illa við inni í litlu gluggalausu herbergi. Rætt verður við móðurina í kvöldfréttum.

Loðnuveiðar, sem gætu orðið þær mestu í tuttugu ár, eru að hefjast, þremur mánuðum fyrr en síðastliðinn vetur, og var fyrsta veiðiskipið að búa sig brottfarar í Sundahöfn í Reykjavík í dag. Við heyrum í sjómönnum sem leggja upp í óvissuverð í leit að loðnunni.

Foreldrar átta mánaða drengs, sem gekkst undir lifrarskiptaaðgerð í Svíþjóð í sumar, segja lækna hafa unnið kraftaverk. Drengurinn sé eins og nýtt barn eftir að lifrargjafi fannst á ögurstundu. Lífið er gott í Garðabænum þar sem fréttamaður tók hús á fjölskyldunni.

Hljómsveitin of Monsters and Men er að gera allt klárt fyrir tónleikaröð í vikunni en sveitin fagnar tíu ára afmæli fyrstu plötu sinnar um helgina. Við tökum púlsinn á meðlimum sveitarinnar. Þá heyrum við í verndara katta á Akureyri sem hefur sterkara skoðanir á fyrirhuguðu útgöngubanni katta í bænum og heyrum Guðberg Bergsson segja sögur af æskuárunum, sumar hverjar ansi krassandi.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.