Erlent

Vitnis­burðir leik­stjóra og mynda­töku­manns varpa ljósi á at­burða­rásina

Hólmfríður Gísladóttir skrifar
Halyna Hutchins og Alec Baldwin.
Halyna Hutchins og Alec Baldwin. Getty

Alec Baldwin var að æfa sig að beina byssu að myndavélinni á tökustað kvikmyndarinnar Rust þegar skot reið af með þeim afleiðingum að tökustjórinn Halyna Hutchins lést. 

Leikstjórinn Joel Souza, sem slasaðist þegar atvikið átti sér stað, sagðist í samtali við lögreglu hafa heyrt svipuhljóð og síðan hvell. Vitnisburður Souza útskýrir hvers vegna Baldwin beindi byssunni í áttina að Hutchins en ekki hvernig byssa sem sögð var „köld“ varð henni að bana.

Áður hefur verið greint frá því að viðstöddum hafði verið tilkynnt að byssan væri „köld“, það er að segja óhlaðin og þar með hættulaus, þegar harmleikurinn átti sér stað. Þetta staðfesti Souza í skýrslutöku hjá lögreglu.

Sagði leikstjórinn að byssurnar hefðu verið kannaðar af vopnastjóra myndarinnar, Hönnuh Gutierrez-Reed, og aftur af aðstðarleikstjóranum Dave Halls, sem var sá sem afhenti leikurnum vopnin.

New York Times hefur hinsvegar eftir ónefndum framleiðanda Rust að borið hafi á því að ekki væri farið að reglum og að bæði Halls og Gutierrez-Reed hefðu rétt leikurum skotvopn.

Miðillinn segir að samkvæmt gögnum frá lögreglu sat Baldwin á kirkjubekk og var að æfa að draga upp byssuna og beina henni að myndavélinni þegar atvikið átti sér stað. Souza og Hutchins voru á bakvið myndavélina að skoða hvernig þau ættu að beina henni. 

Souza greinir frá því hvernig hann sá Hutchins grípa um magann og detta aftur á bak. Hann hafi síðan tekið eftir því að honum sjálfum var að blæða úr öxlinni. Lögreglumaðurinn sem tók viðtalið við Souza sagði hann hafa verið með sýnilegan áverka.

Aðspurður sagði leikstjórinn að ekkert ósætti hefði komið upp á tökustað en nokkrir starfsmenn höfðu þó gengið frá störfum. Höfðu þeir ekki fengið greitt og þá gerðu þeir athugasemdir við öryggi á tökustaðnum.

Myndatökumaðurinn Reid Russell, sagði í samtali við lögreglu að hann hefði brugðið sér frá eftir hádegismat en þegar hann kom aftur hafi Baldwin, Hutchins og Souza verið að undirbúa næsta atriði og þegar fengið skotvopnið. 

Vissi hann ekki hvort byssan hefði verið athuguð.

Halls hefði tekið byssuna upp þar sem Gutierrez-Reid hefði komið henni fyrir, rétt Baldwin skotvopnið og kallað „köld byssa“. Baldwin hefði verið að fara í gegnum það hvernig hann ætlaði að draga byssuna upp þegar skotið reið af.

Að sögn Russell hafði Baldwin umgengist skotvopnið af nærgætni og tryggt að ekkert barn væri nálægt þegar hleypt var af því. Þá sagðist hann muna eftir því að hafa séð blóð á Souza og að Hutchins hefði sagt að hún finndi ekki fyrir fótleggjum sínum.


Tengdar fréttir

Segir Baldwin hafa verið óhuggandi í margar klukkustundir

„Hann var móðursjúkur og gjörsamlega óhuggandi í marga klukkutíma. Allir vita að þetta var slys en hann er algjörlega eyðilagður.“ Þetta hefur People eftir ónefndum heimildarmanni um ástand leikarans Alec Baldwin, eftir að hann varð tökustjóra að bana við tökur á kvikmyndinni Rust í Santa Fe í Nýju-Mexíkó á föstudag.

Öll spjót beinast að að­stoðar­leik­stjóranum í máli Baldwin

Kvartað hafði verið undan Dave Halls, að­stoðar­leik­stjóra myndarinnar Rust, sem rétti Alec Baldwin byssuna sem hann skaut Halyna Hutchins kvik­mynda­stjóra til bana með, á öðru töku­setti árið 2019 fyrir að fara ekki eftir öryggis­reglum. Hann til­kynnti Baldwin að byssan væri ó­hlaðin þegar hann rétti honum hana.

Hinsta kveðja eigin­mannins: „Við söknum þín, Halyna!“

Matthew Hutchins, eiginmaður kvikmyndatökustjórans Halynu Hutchins, sem lést af völdum voðaskots við kvikmyndatökur á fimmtudag, birti fyrr í dag á Instagram hjartnæmar myndir af þeim hjónum og syni þeirra með kveðjunni „Við söknum þín Halyna!“.

Baldwin vissi ekki að skot væri í byssunni

Leikarinn Alec Baldwin vissi ekki að byssa sem aðstoðarleikstjóri kúrekamyndarinnar Rust rétti honum væri hlaðin skoti, annað hvort raunverulegu eða púðurskoti. Tökumenn og aðrir höfðu lagt niður störf nokkrum klukkustundum áður, að hluta til vegna skorts á öryggisráðstöfunum.

Öll í faginu taka slysaskotið til sín

Bandaríski leikarinn Alec Baldwin segist í ólýsanlegu áfalli eftir að hafa orðið kvikmyndatökustjóra að bana á tökustað. Leikmyndahönnuður segir slysið víti til varnaðar fyrir kvikmyndaiðnaðinn.

Baldwin segist niðurbrotinn vegna dauða Halyna Hutchins

Leikarinn Alec Baldwin segist niðurbrotinn vegna dauða Halyna Hutchins sem dó eftir að hann hleypti af byssu við tökur á kvikmynd í Nýju Mexíkó í gær. Hutchins var kvikmyndatökustjóri en auk hennar særðist Joel Souza leikstjóri.

Leikstjórinn fékk skot í öxlina en hefur verið útskrifaður

Leikstjórinn Joel Souza hefur verið útskrifaður af spítala í Santa Fe, eftir að hafa fengið skot í sig úr leikbyssu við tökur á myndinni Rust. Kvikmyndatökustjórinn Halyna Hutchins varð einnig fyrir skoti og var úrskurðuð látin við komuna á sjúkrahús en það var leikarinn Alec Baldwin sem hleypti af vopninu.

Alec Baldwin varð konu að bana við tökur á nýrri mynd

Leikarinn Alec Baldwin er sagður hafa orðið konu að bana við tökur á kvikmynd í Nýju-Mexíkó. Samkvæmt erlendum miðlum hleypti Baldwin af skotvopni sem var einn af leikmunum myndarinnar, með þeim afleiðingum að kona dó og maður særðist.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×