Íslenski boltinn

KR fær markvörð Fylkis

Sindri Sverrisson skrifar
Aron Snær Friðriksson er genginn í raðir KR.
Aron Snær Friðriksson er genginn í raðir KR. vísir/hulda margrét

Markvörðurinn Aron Snær Friðriksson er genginn í raðir KR frá Fylki. Hann skrifaði undir samning við Vesturbæjarfélagið sem gildir til næstu tveggja ára.

Aron er 24 ára gamall og hefur leikið með Fylki frá árinu 2017. Hann varði mark liðsins í 18 leikjum í Pepsi Max-deildinni í sumar en Fylkir fékk á sig 51 mark í deildinni, endaði í neðsta sæti og féll.

Aron, sem lék á sínum tíma 6 leiki með U21-landsliði Íslands, kemur væntanlega til með að veita Beiti Ólafssyni samkeppni um stöðuna í byrjunarliði KR en Beitir er með samning við KR sem gildir út næstu leiktíð.

Fylkismenn ætla sér hins vegar ekki að staldra lengi við í næstefstu deild og hafa endurheimt tvo af sínum dáðustu sonum. Miðjumaðurinn Ásgeir Börkur Ásgeirsson er kominn heim frá HK og framherjinn Albert Brynjar Ingason ætlar að taka slaginn með Fylki eftir krossbandsslit en hann lék síðast með Kórdrengjum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.