Körfubolti

Boltinn lýgur ekki á X-inu

Ingvi Þór Sæmundsson skrifar
Sigurður Orri Kristjánsson og Tómas Steindórsson fara yfir allt það helsta í körfuboltanum, innanlands og erlendis, á hverjum fimmtudegi á X-inu 977.
Sigurður Orri Kristjánsson og Tómas Steindórsson fara yfir allt það helsta í körfuboltanum, innanlands og erlendis, á hverjum fimmtudegi á X-inu 977. x977

Útvarpsþátturinn Boltinn lýgur ekki hefur göngu sína í dag. Boltinn lýgur ekki er útvarpsþáttur um körfubolta sem er á dagskrá alla fimmtudaga frá 16:00-18:00 á X-inu 977.

Umsjónarmenn þáttarins eru körfuboltalýsarinn Sigurður Orri Kristjánsson og útvarpsmaðurinn Tómas Steindórsson.

Í þættinum er fjallað um körfubolta frá öllum sjónarhornum. Íslenskur körfubolti verður í stóru hlutverki en einnig verður farið yfir NBA-deildina og Íslendinga sem spila erlendis. 

Í fyrsta þættinum í dag verður spá þáttarins fyrir komandi tímabil í Subway-deild karla opinberuð og góðir gestir koma í heimsókn.

Nafn þáttarins, Boltinn lýgur ekki, er tilvitnun í Rasheed Wallace, fyrrverandi leikmann Portland Trail Blazers, Detroit Pistons og fleiri liða í NBA.

Hann átti það til æpa frasann boltinn lýgur ekki þegar leikmenn brenndu af vítaskotum eftir að hann braut á þeim og fékk ósanngjarnar villur að hans mati. Í myndbandinu hér fyrir neðan fer Wallace yfir uppruna frasans um að boltinn ljúgi ekki.




Fleiri fréttir

Sjá meira


×