Stolt af því að ná að kaupa fyrstu íbúðina fyrir tvítugt

Sólveig Lilja Brinks Fróðadóttir, Miss Northern Iceland, er fædd í Reykjavík en hefur búið á Siglufirði frá árinu 2010.

Morgunmaturinn? 

Vanalega er það bara kaffi fyrir vinnu.

Helsta freistingin? 

Ég á mjög erfitt með að standast skyndibitamat ef ég á að vera alveg hreinskilin.

Hvað ertu að hlusta á? 

Ég hlusta eiginlega á rosa mikið af tónlist, er ekki mikið í bara einum artista en ég get alltaf hlustað á Lewis Capaldi.

Hvaða bók er á náttborðinu? 

Ég les ekki mikið því miður en er með Sudoku tímarit á náttborðinu mínu.

Hver er þín fyrirmynd? 

Hrefna amma mín, ótrúlega gaman að sjá að öll barnabörnin hafa ennþá gaman af því að koma í heimsókn þangað sama hvaða aldur, myndi ekki vera á móti því að vera svoleiðis amma í framtíðinni.

Uppáhaldsmatur? 

Nautakjöt og gott smælki klikkar ekki.

Uppáhaldsdrykkur? 

Coca Cola mun alltaf vera minn drykkur

Hver er frægasta persóna sem þú hefur hitt? 

Ég afgreiddi Ólaf Darra í vinnuni nokkrum sinnum

Hvað hræðist þú mest? 

Að brenna mig... Ég er mjög hrædd alltaf í kringum mikinn hita eins og krullujárn og þegar ég er að elda á pönnu og svoleiðis

Neyðarlegasta atvik sem þú hefur lent í? 

Einu sinni þegar ég var öðrum eða þriðja bekk þá fór ég á klósettið í skólanum, hafðu það í huga að klósettin í þessum skóla eru inni í kennslustofunni af einhverri ástæðu... ég sem sagt gleymdi að læsa hurðinni og einhver krakki opnaði hurðina og allir sáu mig. Svo góðir tímar...

Hverju ertu stoltust af? 

Að vera búin að kaupa mína fyrstu íbúð fyrir tvítugt.

Hefurðu einhvern leyndan hæfileika? 

Ég get borðað fjóra hamborgara í einu...

Hundar eða kettir? 

Kettir, ekki spurning.

Hvað er það leiðinlegasta sem þú gerir? 

Ryksuga!

En það skemmtilegasta? 

Horfa á fótbolta.

Hvað heldurðu að komi fólki mest á óvart við þig? 

Hvað ég get borðað mikið

Hvaða lag syngur þú í sturtu/í bílnum? 

Allt úr myndinni Burlesque.

Hverju vonast þú til að Miss Universe Iceland keppnin skili þér? 

Meiri sjálftrausts og vonandi vinkonur for life. Svo er ekki slæmt að læra ganga almennilega á hælum

Hvar sérðu þig eftir fimm ár? 

Vonandi með góðar tekjur, íbúð, kærasta. Kötturinn minn verður líka ennþá í myndinni.

Hvar er hægt að fylgjast með þér? 

Instgramið mitt er Sollabrinks . Er lang mest inni á því.