Nokkuð jafnræði var með liðunum framan af fyrri hálfleik, en heimamenn í Gummersbach voru þó skrefinu á undan. Þegar að flautað var til hálfleiks var staðan 13-10, Gummersbach í vil.

Guðjón Valur og lærisveinar hans mættu grimmari til leiks í seinni hálfleik og þegar um stundarfjórðungur var til leiksloka var staðan orðin 25-17.

Heimamenn litu aldrei um öxl og lönduðu að lokum öruggum níu marka sigri, 31-22. Þetta var seinasti leikur fyrstu umferðar þýsku B-deildarinnar, en Gummersbach var aðeins einum sigri frá því að tryggja sér sæti í efstu deild á seinustu leiktíð.