Bein útsending: Ráðherra ræðir tilslakanir innanlands

Þar hófst fundur klukkan 9:30. Reikna má með því að á dagskrá fundarins séu tillögur Þórólfs Guðnasonar sóttvarnalæknis um tilslakanir innanlands.

Þórólfur skilaði ráðherra enn einu minnisblaðinu á dögunum þar sem hann leggur til tilslakanir. Sú reglugerð sem nú er í gildi með tilliti til aðgerða innanlands rennur út á föstudaginn.

Samkvæmt heimildum fréttastofu leggur Þórólfur meðal annars til að 500 megi koma saman og að opnunartími skemmtistaða verði lengdur.

Vísir verður í beinni útsendingu frá Tjarnargötu í spilaranum hér að neðan auk þess sem boðið verður upp á textalýsingu.

Uppfært klukkan 11:47

Stærstu breytingarnar eru þær að 500 mega koma saman í stað 200, skemmtistaðir mega hafa opið klukkustund lengur og halda má viðburði fyrir 1500 manns með notkun hraðprófs.