25 greindust innanlands

Atli Ísleifsson skrifar 7. september 2021 10:50

Alls hafa rúmelga 11 þúsund manns greinst með kórónuveiruna innanlands frá upphafi faraldursins. Vísir/Vilhelm

Alls greindust 25 með kórónuveiruna innanlands í gær. Sautján þeirra sem greindust innanlands í gær voru í sóttkví við greiningu, eða 68 prósent. Átta voru utan sóttkvíar, eða um 32 prósent.

Þetta kemur fram í uppfærðum tölum á vefnum covid.is.

Alls eru nú 596 í einangrun, en voru 629 í gær. 1139 eru nú í sóttkví, en voru 1.349 í gær. 539 eru nú í skimunarsóttkví.

Átta eru nú á sjúkrahúsi vegna Covid-19, sami fjöldi og í gær. Enginn er á gjörgæslu.

Tólf þeirra sem greindust innanlands í gær voru fullbólusettir en þrettán óbólusettir.

Einn greindist á landamærum í gær og er niðurstöðu mótefnamælingar beðið í tilviki viðkomandi.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 219,0, en var 228,5 í gær. Nýgengi á smiti á landamærum er nú 9,0, en var 11,5 í gær.

Alls hafa 11.090 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Tekin voru 1.936 einkennasýni í gær, 1.273 sýni á landsmærum og þá greindust 759 í svokallaðri sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.