Innlent

Sér­sveitin kölluð á Kefla­víkur­flug­völl

Vésteinn Örn Pétursson skrifar
Sérsveit ríkislögreglustjóra var kölluð til vegna hlutarins, sem reyndist ekki vera handsprengja.
Sérsveit ríkislögreglustjóra var kölluð til vegna hlutarins, sem reyndist ekki vera handsprengja. Vísir/Vilhelm

Lögreglan á Suðurnesjum og sérsveit ríkislögreglustjóra voru kölluð á Keflavíkurflugvöll í dag eftir að tilkynning barst flugstöðvardeild lögreglunnar um torkennilegan hlut sem fannst í handfarangri farþega við vopnaleit. Munurinn reyndist að endingu hættulaus.

Þetta staðfestir Jóhannes Harðarson, aðalvarðstjóri hjá lögreglunni á Suðurnesjum, í samtali við fréttastofu.

„Það eru ekki teknir neinir sénsar með svoleiðis. Við virkjum ákveðið verklag og störfum samkvæmt því. Svæðið er rýmt til öryggis og sérsveit kölluð til,“ segir Jóhannes.

Þegar sérfræðingur sérsveitarinnar hafði skoðað hlutinn, sem sagður var líkjast handsprengju, kom í ljós að um hættulausan mun var að ræða. Lögregla getur þó ekki gefið upp um hvers kyns hlut var að ræða.

„Eigandi töskunnar var bara tekinn til hliðar meðan það var verið að vinna í málinu en þetta er bara búið núna.“

Keflavíkurflugvöllur Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið