Hjúkrunarheimilið Ás er í Hveragerði. Það er eitt af Grundarheimilunum.Grundarheimilin
Enginn heimilismaður á hjúkrunarheimilinu Ási greindist smitaður af kórónuveirunni í skimun sem var gerð á þeim í gær. Starfsmaður hjúkrunarheimilisins greindist með veiruna fyrr í vikunni.
Þetta kemur fram í tilkynningu frá Grundarheimilunum sem reka Ás. Alls voru 33 heimilismenn skimaðir fyrir veirunni í gær auk tveggja starfsmanna. Allir reyndust neikvæðir.
Áfram verður þó lokað fyrir heimsóknir á hjúkrunarheimilið.
Líðan heimilismanna Grundar er góð
Heimilismennirnir tveir á Grund við Hringbraut sem greindust smitaðir af kórónuveirunni í síðustu viku eru nú einkennalausir og líður vel.
Þeir eru enn í einangrun en líðan þeirra góð miðað við aðstæður að sögn Gísla Páls Pálssonar, forstjóra Grundarheimilanna.
Öll sýni sem tekin voru hjá íbúum og starfsfólki á hjúkrunarheimilinu Grund eftir að smit greindist hjá starfsmanni reyndust neikvæð.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
