Vísitölufjölskylda á Vesturlandi vann 80 milljónir

Tryggvi Páll Tryggvason skrifar 28. júlí 2021 14:40

Hjón með tvö börn duttu heldur betur í lukkupottinn í síðustu viku þegar þau hrepptu 80 milljóna króna 2. vinning í Eurojackpot.

Í tilkynningu frá Íslenskri getspá segir að hjónin, sem búi á Vesturlandi, hafi ekki ákveðið hvað gera eigi við peninginn. Þau voru hins vegar bæði glöð og ánægð þegar þau komu að sækja vinninginn.

„Ég kaupi stundum lottómiða í vinnunni í gegnum símann,“ sagði eiginkonan er hún kom og sótti vinninginn að því er fram kemur í tilkynningunni.

„En gleymdi því í þetta sinn. Mundi svo allt í einu eftir því að kaupa miða þegar ég var að koma heim og ákvað að kaupa miðann þar sem ég stóð fyrir framan útidyrnar, áður en ég færi inn til mín svo ég myndi örugglega ekki gleyma því að vera með.“

Fjárhættuspil

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.