Ósáttir nágrannar leiddu til hópuppsagnar á hálfu starfsliði Óttar Kolbeinsson Proppé skrifar 14. júlí 2021 09:00 Hingað koma engir með skemmd dekk lengur. vísir/óttar proppé Rekstur fyrirtækisins Vöku er í hálfgerðu uppnámi og hefur meira en helmingi starfsfólks þess verið sagt upp eftir að úrskurðarnefnd umhverfis- og auðlindamála lét Heilbrigðiseftirlit Reykjavíkur draga starfsleyfi þess við Héðinsgötu 2 til baka. Þó nefndin setji sig aðallega upp á móti því að Vaka taki við bílhræjum á svæðinu hefur öll þjónusta fyrirtækisins í húsnæðinu verið stöðvuð. Fyrirtækið er nú starfsleyfislaust við Héðinsgötu og má ekki sinna sinni hefðbundnu þjónustu þar, sem felst aðallega í að halda úti vélaverkstæði og hjólbarðaverkstæði. Starfsemi Vöku á svæðinu var ferns konar: Bílapartasala Bifreiða- og vélaverkstæði Hjólbarðaverkstæði Úrvinnsla vegna endurvinnslu bíla Um leið og starfsleyfinu var kippt úr gildi, vegna síðastnefnda atriðisins, missti Vaka einnig leyfi sitt fyrir þeim tveimur sem fara á undan því að öll þjónusta Vöku í húsnæðinu stólar á sama starfsleyfið sem er ekki lengur fyrir hendi. Vaka má nú aðeins selja bílaparta út úr húsi en ekki taka við bílum inn á verkstæði sitt. Sala bílaparta og viðgerðir á bílum haldast oft í hendur í þjónustu fyrirtækja eins og Vöku. Fyrirtækið má einnig halda áfram að sinna dráttarþjónustu sinni enda er sú starfsemi ekki bundin við húsnæðið við Héðinsgötu 2. vísir/óttar proppé Harkalegt af nefndinni Málið er um margt undarlegt og má ljóst vera af gögnum þess að Heilbrigðiseftirlitið og byggingafulltrúi og skipulagsfulltrúi Reykjavíkurborgar séu ósammála úrskurðarnefnd umhverfis- og auðlindamála um túlkun ýmissa atriða. Það voru nágrannar fyrirtækisins, íbúar á Kleppsvegi, sem kærðu starfsleyfið til nefndarinnar. Þeir fóru upphaflega að lýsa óánægju sinni með fyrirtækið þegar bílhræ og gámar höfðu safnast upp fyrir utan húsnæði Vöku og í einhverjum tilfellum fyrir utan lóðamörk fyrirtækisins. Sú tíð sóðaskapar er þó liðin að sögn Reynis Þórs Guðmundssonar, framkvæmdastjóra Vöku. Nú sé allt á lóð fyrirtækisins í ágætu standi og lítil mengun sé þar á ferð. Hann segir málið leiðinlegt: „Það er hrikalegt að þurfa að segja upp meira en helmingi starfsfólksins. Þetta voru fjórtán manns. Það er ekki auðvelt að vera atvinnulaus í dag.“ Honum þykir harkalegt af nefndinni að hafa samþykkt kröfuna um að fella leyfið niður; leyfið hafi verið tímabundið til áramóta, því þá hafi Vaka ætlað að færa hluta starfseminnar til Hafnarfjarðar. Reynir Þór Guðmundsson er ekki sáttur með hvernig málið hefur farið hingað til.vísir/iceland aviation „Þetta er tímabundið starfsleyfi til áramóta. Það að fella það niður alveg fyrirvaralaust er rosalega gróft, eða mjög íþyngjandi eins og það væri kallað á stjórnsýslumáli,“ segir Reynir Þór í samtali við Vísi. Léttur eða þungur iðnaður? Samkvæmt aðalskipulagi Reykjavíkurborgar er svæðið, sem er kallað Köllunarklettur, skilgreint sem miðsvæði og er þar aðeins heimild fyrir svokölluðum „léttum iðnaði“. Svæðið sem um ræðir er rétt fyrir ofan Sundahöfn og í nágrenninu eru fleiri verkstæði og önnur sambærileg starfsemi. Það virðist þó algerlega vanta almenna skilgreiningu á því hvað falli undir hugtakið „léttur iðnaður“ og þar stendur hnífurinn í kúnni. Í umsögn skipulagsfulltrúa kemur fram að hugtakið sé ekki til í neinum reglugerðum sem heilbrigðiseftirlitið vinnur eftir. Engin viðmið séu fyrir hendi sem horfa má til varðandi hugtakið eða við hvaða aðstæður starfsemi teljist vera léttur eða þungur iðnaður. Skipulagsfulltrúi segir að það sé Heilbrigðiseftirlitsins að meta hvort starfsemi Vöku falli undir hugtakið og svo virðist sem Heilbrigðiseftirlitið hafi talið svo vera þegar það veitti Vöku starfsleyfi í byrjun þessa árs. Í verklýsingu umhverfis- og skipulagssviðs borgarinnar vegna breytinga á aðalskipulaginu má þó finna neðanmálsgrein við lýsingu á miðsvæðum, líkt og svæðinu sem um ræðir hér: „Á mörgum miðsvæðum verður þó léttur iðnaður og ýmis þjónustuiðnaður eins og verkstæði, áfram mögulegur,“ segir þar. Listi úr verklýsingu umhverfis- og skipulagssviðs vegna breytinga á aðalskipulagi Reykjavíkurborgar 2010-2030.reykjavíkurborg Sem dæmi um fleiri svæði þar sem aðeins er heimilaður léttur iðnaður má nefna Esjumela, Hálsa, Höfða og Norðlingaholt. Í úrskurði úrskurðarnefndar umhverfis- og auðlindamála virðist nefndin þó ákveða hvernig skilgreina eigi þennan létta iðnað, að minnsta kosti vill hún ekki fallast á að starfsemi Vöku falli undir hugtakið, því þar er tekið við bílhræjum: „Er því ekki hægt að telja að hin umþrætta starfsemi geti talist vera léttur iðnaður í skilningi gildandi aðalskipulags, enda verður að skýra það hugtak í samræmi við þau ákvæði skipulagsreglugerðar sem áður eru rakin. Starfsemin hefur í för með sér mengunarhættu og er ekki hægt að fallast á að hún sé hreinleg. Getur hún því ekki fallið undir landnotkunarflokkinn miðsvæði, eins og hann er skilgreindur í skipulagsreglugerð,“ segir í niðurstöðu úrskurðarins. Ósammála borginni um túlkun á deiliskipulagi Með þessu segir nefndin að starfsemi Vöku á lóðinni samræmist ekki aðalskipulagi Reykjavíkurborgar, sem gerir ekki ráð fyrir meiru en „léttum iðnaði“. Með þessu segir nefndin að starfsleyfið fari beinlínis gegn aðalskipulagi borgarinnar, þó Heilbrigðiseftirlitið vilji ekki meina að svo sé. En það er fleira sem nefndin segir Heilbrigðiseftirlitið og byggingafulltrúi borgarinnar hafa túlkað rangt þegar starfsleyfið var veitt upphaflega. Það á einnig að fara á svig við deiliskipulag svæðisins. Í rökum nágrannanna sem kæra leyfisveitinguna kemur fram að deiliskipulag fyrir húsnæðið, Héðinsgötu 2, sé „einungis heimil“ starfsemi umbúðaframleiðslu, vörugeymslu og þjónustu. Starfsemi Vöku falli ekki undir þetta. Þetta virðist nefndin taka undir þrátt fyrir skýringar Heilbrigðiseftirlitsins: „Í umræddu deiliskipulagi fyrir Héðinsgötu 2 komi fram að þar sé umbúðaframleiðsla, vörugeymslur og þjónusta. Hvergi komi fram að skylt sé að hafa eða að einungis sé heimilt að hafa umbúðaframleiðslu, vörugeymslu og þjónustu við Héðinsgötu 2, heldur sé í deiliskipulaginu verið að segja hvaða starfsemi hafi verið þar þegar umrætt deiliskipulag hafi verið samþykkt,“ segir í úrskurðinum þar sem málsrök Heilbrigðiseftirlitsins eru rakin. Hvort Vaka geti aftur tekið til nokkuð eðlilegra starfa á næstunni verður að koma í ljós en Reynir Þór segir við Vísi að verið sé að leita leiða til að greiða úr málinu. Reykjavík Umhverfismál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Fyrirtækið er nú starfsleyfislaust við Héðinsgötu og má ekki sinna sinni hefðbundnu þjónustu þar, sem felst aðallega í að halda úti vélaverkstæði og hjólbarðaverkstæði. Starfsemi Vöku á svæðinu var ferns konar: Bílapartasala Bifreiða- og vélaverkstæði Hjólbarðaverkstæði Úrvinnsla vegna endurvinnslu bíla Um leið og starfsleyfinu var kippt úr gildi, vegna síðastnefnda atriðisins, missti Vaka einnig leyfi sitt fyrir þeim tveimur sem fara á undan því að öll þjónusta Vöku í húsnæðinu stólar á sama starfsleyfið sem er ekki lengur fyrir hendi. Vaka má nú aðeins selja bílaparta út úr húsi en ekki taka við bílum inn á verkstæði sitt. Sala bílaparta og viðgerðir á bílum haldast oft í hendur í þjónustu fyrirtækja eins og Vöku. Fyrirtækið má einnig halda áfram að sinna dráttarþjónustu sinni enda er sú starfsemi ekki bundin við húsnæðið við Héðinsgötu 2. vísir/óttar proppé Harkalegt af nefndinni Málið er um margt undarlegt og má ljóst vera af gögnum þess að Heilbrigðiseftirlitið og byggingafulltrúi og skipulagsfulltrúi Reykjavíkurborgar séu ósammála úrskurðarnefnd umhverfis- og auðlindamála um túlkun ýmissa atriða. Það voru nágrannar fyrirtækisins, íbúar á Kleppsvegi, sem kærðu starfsleyfið til nefndarinnar. Þeir fóru upphaflega að lýsa óánægju sinni með fyrirtækið þegar bílhræ og gámar höfðu safnast upp fyrir utan húsnæði Vöku og í einhverjum tilfellum fyrir utan lóðamörk fyrirtækisins. Sú tíð sóðaskapar er þó liðin að sögn Reynis Þórs Guðmundssonar, framkvæmdastjóra Vöku. Nú sé allt á lóð fyrirtækisins í ágætu standi og lítil mengun sé þar á ferð. Hann segir málið leiðinlegt: „Það er hrikalegt að þurfa að segja upp meira en helmingi starfsfólksins. Þetta voru fjórtán manns. Það er ekki auðvelt að vera atvinnulaus í dag.“ Honum þykir harkalegt af nefndinni að hafa samþykkt kröfuna um að fella leyfið niður; leyfið hafi verið tímabundið til áramóta, því þá hafi Vaka ætlað að færa hluta starfseminnar til Hafnarfjarðar. Reynir Þór Guðmundsson er ekki sáttur með hvernig málið hefur farið hingað til.vísir/iceland aviation „Þetta er tímabundið starfsleyfi til áramóta. Það að fella það niður alveg fyrirvaralaust er rosalega gróft, eða mjög íþyngjandi eins og það væri kallað á stjórnsýslumáli,“ segir Reynir Þór í samtali við Vísi. Léttur eða þungur iðnaður? Samkvæmt aðalskipulagi Reykjavíkurborgar er svæðið, sem er kallað Köllunarklettur, skilgreint sem miðsvæði og er þar aðeins heimild fyrir svokölluðum „léttum iðnaði“. Svæðið sem um ræðir er rétt fyrir ofan Sundahöfn og í nágrenninu eru fleiri verkstæði og önnur sambærileg starfsemi. Það virðist þó algerlega vanta almenna skilgreiningu á því hvað falli undir hugtakið „léttur iðnaður“ og þar stendur hnífurinn í kúnni. Í umsögn skipulagsfulltrúa kemur fram að hugtakið sé ekki til í neinum reglugerðum sem heilbrigðiseftirlitið vinnur eftir. Engin viðmið séu fyrir hendi sem horfa má til varðandi hugtakið eða við hvaða aðstæður starfsemi teljist vera léttur eða þungur iðnaður. Skipulagsfulltrúi segir að það sé Heilbrigðiseftirlitsins að meta hvort starfsemi Vöku falli undir hugtakið og svo virðist sem Heilbrigðiseftirlitið hafi talið svo vera þegar það veitti Vöku starfsleyfi í byrjun þessa árs. Í verklýsingu umhverfis- og skipulagssviðs borgarinnar vegna breytinga á aðalskipulaginu má þó finna neðanmálsgrein við lýsingu á miðsvæðum, líkt og svæðinu sem um ræðir hér: „Á mörgum miðsvæðum verður þó léttur iðnaður og ýmis þjónustuiðnaður eins og verkstæði, áfram mögulegur,“ segir þar. Listi úr verklýsingu umhverfis- og skipulagssviðs vegna breytinga á aðalskipulagi Reykjavíkurborgar 2010-2030.reykjavíkurborg Sem dæmi um fleiri svæði þar sem aðeins er heimilaður léttur iðnaður má nefna Esjumela, Hálsa, Höfða og Norðlingaholt. Í úrskurði úrskurðarnefndar umhverfis- og auðlindamála virðist nefndin þó ákveða hvernig skilgreina eigi þennan létta iðnað, að minnsta kosti vill hún ekki fallast á að starfsemi Vöku falli undir hugtakið, því þar er tekið við bílhræjum: „Er því ekki hægt að telja að hin umþrætta starfsemi geti talist vera léttur iðnaður í skilningi gildandi aðalskipulags, enda verður að skýra það hugtak í samræmi við þau ákvæði skipulagsreglugerðar sem áður eru rakin. Starfsemin hefur í för með sér mengunarhættu og er ekki hægt að fallast á að hún sé hreinleg. Getur hún því ekki fallið undir landnotkunarflokkinn miðsvæði, eins og hann er skilgreindur í skipulagsreglugerð,“ segir í niðurstöðu úrskurðarins. Ósammála borginni um túlkun á deiliskipulagi Með þessu segir nefndin að starfsemi Vöku á lóðinni samræmist ekki aðalskipulagi Reykjavíkurborgar, sem gerir ekki ráð fyrir meiru en „léttum iðnaði“. Með þessu segir nefndin að starfsleyfið fari beinlínis gegn aðalskipulagi borgarinnar, þó Heilbrigðiseftirlitið vilji ekki meina að svo sé. En það er fleira sem nefndin segir Heilbrigðiseftirlitið og byggingafulltrúi borgarinnar hafa túlkað rangt þegar starfsleyfið var veitt upphaflega. Það á einnig að fara á svig við deiliskipulag svæðisins. Í rökum nágrannanna sem kæra leyfisveitinguna kemur fram að deiliskipulag fyrir húsnæðið, Héðinsgötu 2, sé „einungis heimil“ starfsemi umbúðaframleiðslu, vörugeymslu og þjónustu. Starfsemi Vöku falli ekki undir þetta. Þetta virðist nefndin taka undir þrátt fyrir skýringar Heilbrigðiseftirlitsins: „Í umræddu deiliskipulagi fyrir Héðinsgötu 2 komi fram að þar sé umbúðaframleiðsla, vörugeymslur og þjónusta. Hvergi komi fram að skylt sé að hafa eða að einungis sé heimilt að hafa umbúðaframleiðslu, vörugeymslu og þjónustu við Héðinsgötu 2, heldur sé í deiliskipulaginu verið að segja hvaða starfsemi hafi verið þar þegar umrætt deiliskipulag hafi verið samþykkt,“ segir í úrskurðinum þar sem málsrök Heilbrigðiseftirlitsins eru rakin. Hvort Vaka geti aftur tekið til nokkuð eðlilegra starfa á næstunni verður að koma í ljós en Reynir Þór segir við Vísi að verið sé að leita leiða til að greiða úr málinu.
Reykjavík Umhverfismál Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Pallborðið: Stungið höfðinu í sandinn í tuttugu ár Innlent Falsað myndband af kennara og nemanda fór í dreifingu Innlent Sigmundur seinn: „Er þingmaðurinn í salnum?“ Innlent Stöðugleiki norðlægrar hringrásar skammgóður vermir fyrir Ísland Innlent Halla tekur sér frí og vill að karlmenn axli ábyrgð Innlent Verktakar hafi greinilega nóg því þeir kjósi frekar að bíða en lækka Innlent „Ísrael mun missa allan stuðning“ Erlent Annað safn rænt í Frakklandi um helgina Erlent Fleiri fréttir Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda