Erlent

Þúsundir „bólusettar“ með saltvatnslausn

Hólmfríður Gísladóttir skrifar
Íbúar í Kolkata hafa efnt til mótmæla þar sem þeir treysta því ekki að bóluefnin sem þeir eru að fá virki.
Íbúar í Kolkata hafa efnt til mótmæla þar sem þeir treysta því ekki að bóluefnin sem þeir eru að fá virki. epa/Dedi Sinuhaji

Þúsundir Indverja féllu fyrir umfangsmikilli svikamyllu þar sem einstaklingum var seld bólusetning við Covid-19 en raunverulega sprautað með saltlausn. Læknar og aðrir heilbrigðisstarfsmenn eru meðal þeirra sem hafa verið handteknir.

Samkvæmt yfirvöldum stóðu svikararnir fyrir að minnsta kosti tólf bólusetningarviðburðum í nágrenni Mumbai. Þau telja að um 2.500 manns hafi verið „bólusettir“ með saltvatnslausninni og tekjurnar af svindlinu numið jafnvirði 3,5 milljónum króna.

Læknarnir sem hafa verið handteknir eru grunaðir um að hafa notað aðstöðu sína sem starfsmenn sjúkrahúss til að komast yfir lyfjaglös og sprautur og til að falsa vottorð.

Fjórtán eru þegar í varðhaldi en lögregla gerir ráð fyrir að þeim muni fjölga.

Indland Faraldur kórónuveiru (COVID-19) Bólusetningar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið