Viðskipti innlent

Díll aldarinnar fyrir þá sem keyptu

Jakob Bjarnar skrifar
Björn Leví segir að umfram fé Íslandsbanka, sem er þá meira en það umframfé banka sem Seðlabanki gerir kröfu um verði banki fyrir áhlaupi, hafi verið 20 milljarðar. Sem fylgdi að hluta til með í kaupunum gefins.
Björn Leví segir að umfram fé Íslandsbanka, sem er þá meira en það umframfé banka sem Seðlabanki gerir kröfu um verði banki fyrir áhlaupi, hafi verið 20 milljarðar. Sem fylgdi að hluta til með í kaupunum gefins. vísir/vilhelm

Björn Leví Gunnarsson, þingmaður Pírata, furðar sig á því hvernig staðið var að sölunni á Íslandsbanka.

Björn Leví var gestur í útvarpþættinum Harmageddon í morgun og var þar salan á Íslandsbanka til umfjöllunar. Þingmaðurinn sagði að um væri að ræða díl aldarinnar, en þá fyrir þá sem keyptu á því verði sem var í boði.

„En ekki fyrir þann sem seldi, sem er ríkið, sameign okkar allra. Bara á þessum tölum skeikar, bara á þessum tölum, rúmum tíu milljörðum sem við verðum sameiginlega af og fer þá til þeirra sem keyptu. Mjög góð ákvörðun hjá þeim, ég kvarta ekkert undan því en ég kvarta undan ákvörðun fjármálaráðherra að selja á þessu verði.“

Eigið fé Íslandsbanka tuttugu milljarðar umfram kröfu Seðlabankans

Ljóst er að margir furða sig á því hvernig að þessari sölu var staðið og hvernig hún fór. Vísir greindi frá útreikningum Gunnars Smára Egilssonar Sósíalistaflokki en hann telur um grímulausa tilfærslu á sameiginlegum eigum til þeirra ríku.

Björn Leví sagði að þetta hafi verið vitað, margbúið hafi verið að vara við þessu, strax í upphafi árs hafi þessu verið spáð og meiru.

„Bankinn er með eigið fé, sem hann hefur til hliðar umfram skuldir og eignir, sem hann hefur uppá að hlaupa ef hann verður fyrir áhlaupi. Þetta er skylda sem Seðlabankinn setur á bankana í kjölfar hruns. Varúðarráðstöfun. Íslandsbanki er með enn meira eiginfé en Seðlabankinn gerir kröfu um. Tæplega tuttugu milljörðum umfram kröfu Seðlabankans.“

Björn Leví rakti að þetta hafi komið mjög vel í umsögnum bankasýslunnar. „Ef verðið yrði í kringum áttatíu prósent af eigin fé, 0,8 stuðull, kæmi til greina að greiða út arðinn af þessu umfram eiginfé. Þetta er frír peningur sem er þarna aukalega. Eigendur geta gengið beint í þetta án þess að ganga á kröfur Seðlabankans.“

Milljarðar bókstaflega gefnir kaupendum

Björn Leví segir að þessu megi líkja við það að húseign sé til sölu á 50 milljónir og það fylgi með í kaupunum, án þess að það hafi neitt með verðið að gera en allir viti, að í bílskúrnum sé öruggisskápur sem þú færð lykil að þegar þú kaupir íbúðina þar sem eru 10 milljónir sem þú getur bara stungið í vasann.

„Það var seldur einn þriðji af bankanum. Sá hluti af eiginfé sem var úthlutað til nýrra eigenda. Eftir því sem ég best veit var þessi aukaarðgreiðsla ekki greidd út fyrir kaupin sem jafnast á við að þarna hafi verið að úthluta fjórum eða fimm milljörðum til þeirra sem voru að kaupa. Svo er verðmunurinn á verði hlutabréfa sem hækkaði eftir opnum.“

Spurður um það hvort ekki væri gild röksemd sem Bjarni Benediktsson fjármálaráðherra hefur sett fram að vert hafi verið að hleypa bankanum af krafti inn á markað segir Björn Leví það ekki svo vera.

„Nei, hann á að gæta að sameign okkar allra og þegar eftirspurnin er svona gríðarlega mikil ætti það að vera skilaboð um að eitthvað hafi ekki verið alveg rétt stillt í þeirri ráðgjöf sem fjármálaráðuneytið fékk. Og sú ráðgjöf var keypt á 1,4 milljarða króna.“

Björn Leví segir að fjármálaráðherra hafi á öllum stigum máls hafa getað stigið á bremsuna, þar til búið var að borga. Þau voru skilaboðin sem við fengum um hvernig umboðsferlið virkaði. Bremsumöguleikar nánast hvenær sem er en Bjarni fylgdi hinni rándýru ráðgjöf.


Tengdar fréttir

Sjáðu listann yfir stærstu hluthafa Íslandsbanka

Íslandsbanki hefur birt lista yfir stærstu hluthafa bankans, eftir hlutafjárútboð sem lauk þann 15. júní síðastliðinn. Hlutabréf Íslandsbanka voru tekin til viðskipta á Aðalmarkaði Nasdaq Iceland í gær.

Tímamót í Kauphöllinni þegar Íslandsbanki var skráður

Bjöllunni var hringt við mikinn fögnuð í Kauphöll Íslands í morgun þegar Íslandsbanki hf. var skráður á aðalmarkað Nasdaq Iceland. Hlutir upp á 35% í félaginu eru nú skráðir og geta þar með gengið kaupum og sölum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
MAREL
2,14
21
567.132
ARION
0,31
14
230.706
ICESEA
0,3
7
106.956
REITIR
0,14
3
129.886
EIM
0,13
2
1.025

Mesta lækkun dagsins


Félag
Br.%
Fjöldi
Velta*
ISB
-0,92
42
29.829
KVIKA
-0,63
13
241.488
ORIGO
-0,51
2
25.791
SVN
-0,37
7
18.740
ICEAIR
-0,34
45
70.620
Velkomin á Vísi. Þessi vefur notar vafrakökur. Sjá nánar.