Nýr banki fer í beina samkeppni við stóru viðskiptabankana Óttar Kolbeinsson Proppé skrifar 20. júní 2021 07:00 Tryggvi Björn Davíðsson (vinstri) og Haukur Skúlason (hægri) eru stofnendur Indó banka. vísir/aðsend Nýr banki er við það að hefja starfsemi á Íslandi og ætlar sér í beina samkeppni við stóru banka landsins um viðskiptavini. Hann verður að öllu leyti rekinn á rafrænu formi, mun ekki halda úti einu einasta útibúi en telur sig munu breyta íslenskum bankamarkaði til framtíðar. Bankinn ber heitið Indó og verður fyrsti svokallaði áskorendabankinn á Íslandi. Það er nýyrði yfir banka fjártækninnar sem leggja áherslu á rafrænan rekstur, kannski helst í gegnum snjallforrit. „Bankinn verður einfaldur og þægilegur sem okkur finnst vera algjör lykilatriði,“ segir Haukur Skúlason, annar stofnenda bankans. Með honum í verkefninu er Tryggvi Björn Davíðsson og hafa þeir báðir mikla reynslu úr bankageiranum; störfuðu lengi hjá Íslandsbanka og Tryggvi Björn einnig hjá bönkum í Bretlandi. „Við sáum tækifæri á markaðnum hér fyrir svona áskorendabanka sem hafa verið að skjóta upp kollinum í útlöndum með góðum árangri,“ segir Haukur. Verkefnið hefur verið í pípunum í rúm tvö ár og er nú allt að taka á sig mynd – stefnan er að hefja starfsemi fyrir prufuhóp á síðari hluta ársins og vonandi að opna reksturinn fyrir öllum sem vilja strax á næsta ári. Haukur segir að um 180 milljónum hafi verið safnað í verkefnið á þessum tveimur árum. Þar af hafi langmest farið í alls konar leyfisveitingar og önnur grundvallaratriði. Á bak við verkefnið standa ýmsir fjárfestar, þar á meðan Kevin Laws, einn stofnenda og forstjóri stærstu bandarísku englafjárfestasamtakanna Angel list. Davíð og Golíat Það eru sjaldan mikil tíðindi af samkeppni á bankamarkaðinum. Bankageirinn er heldur stöðugur og útilokandi; hér á landi starfa þrír stórir bankar, Íslandsbanki, Landsbankinn og Arion banki, sem voru stofnaðir eftir hrun á grunni mun eldri banka. Við þá bætist svo einn minni en mun sérhæfðari fjárfestingarbanki, Kvika, sem er einnig stofnaður á grunni ýmissa eldri fjármálastofnana. Og við flóruna bætist svo Indó á næstunni. Hann verður að flokkast sem smærri banki eins og Kvika en ólíkt henni mun Indó ekki sérhæfa sig í fjárfestingum eða eignastýringu heldur fara í beina samkeppni við stóru bankana um kortareikninga, launareikninga og sparnaðarreikninga almennings. Það er þó á brattann að sækja fyrir Indó því samkvæmt rannsóknum eru Íslendingar til að mynda þrefalt líklegri til að skilja við maka sinn heldur en að skipta um banka. Íslendingar virðast með eindæmum íhaldssamir þegar kemur að þessu en til samanburðar eru Svíar fjórfalt líklegri til að skipta um banka en Íslendingar. Haukur er þrátt fyrir þetta mjög bjartsýnn: „Það hafa verið gerðar ýmsar kannanir á þessu undanfarið og það bendir allt til þess að neytendur séu mjög jákvæðir og opnir fyrir nýjum aðilum á bankamarkaðinum.“ Hann telur Indó þá hafa ýmsa kosti fram yfir stóru bankana bæði í innri rekstri og þjónustu við viðskiptavini. Undanfarin ár hefur verið mjög greinileg þróun meðal stóru bankana í þá átt að færa rekstur sinn yfir á rafrænt form. Útibúum, gjaldkerum og öðru starfsfólki bankanna fækkar ört og við hlutverki þeirra taka öpp og heimabankar. Þetta virðist þó vera þróun sem bankarnir taka í nokkrum skrefum og er jafnvel aðeins komin hálfa leið. Sjá einnig: Tólf sagt upp hjá Íslandsbanka. Sjá einnig: Uppsagnir hjá Arion banka. Sjá einnig: Uppsagnir hjá Landsbankanum. Indó tekur þetta þó alla leið og verður að öllu leyti rafrænn. Það er vopnið sem litli bankinn telur sig geta keppt við risana með (auk nokkurra annarra þó). Veist alltaf hvað gert er við peninginn þinn Það gefur auga leið að kostnaður við reksturinn verður margfalt minni þegar ekki þarf að reka útibú og greiða fjölda starfsfólks til að þjónusta viðskiptavini. „Við höfum verið með fimm starfsmenn með okkur auk nokkurra ráðgjafa. Þetta er gríðarlega öflugt teymi sem hefur komið að því að þróa þetta módel með okkur,“ segir Haukur. Rafrænt rekstrarform sé einnig hentugt fyrir viðskiptavini; það verður skilvirkara og aðgengilegra með þægilegu viðmóti í appi. Haukur nefnir þó annan kost sem Indó mun hafa fram yfir hina viðskiptabankana: „Þú veist hvað við gerum við peningana þína.“ Hann útskýrir þetta nánar; Indó mun ekki ráðstafa því fjármagni sem viðskiptavinir þeirra leggja inn á reikninga bankans með fjárfestingum, viðskiptum eða lánum til annarra viðskiptavina, heldur geyma allan peninginn hjá Seðlabanka Íslands. „Okkur finnst að fólk eigi rétt á að vita hvað er gert við peninginn sem það leggur inn á reikninginn sinn. Hjá okkur verður hægt að fylgjast alveg með því hvert peningurinn fer og hvað er gert við hann. Hann verður líka að fullu ríkistryggður, óháð upphæð, sem er ólíkt hinum bönkunum,“ segir Haukur. Indó ætlar sér einnig að bjóða betri vaxtakjör og hagstæðari þjónustugjöld en hinir bankarnir. Tólf til fjórtán hundruð hafa skráð sig í Indó Indó mun hefja starfsemi sína í lok sumars eða byrjun hausts fyrir afmarkaðan prufuhóp. Haukur segir að fólk hafi skráð sig á lista hjá bankanum og hleypt verði inn af honum í nokkrum hollum til að prufukeyra viðskiptamódelið. Um tólf til fjórtán hundruð manns hafa skráð sig í þann hóp og vonast Haukur til að bankinn verði búinn að taka við þeim öllum í vetur og opni svo fyrir almenning vonandi sem fyrst á næsta ári. Því gæti verið stutt í að landslagið breytist allverulega í íslensku bankakerfi, því Indó gæti auðvitað ýtt við stóru bönkunum ef vel gengur. Stórar breytingar fram undan á bankakerfinu Vísir ræddi við Evu Björk Guðmundsdóttur, formann Samtaka fjártæknifyrirtækja á Íslandi, í fyrra um fjártæknibanka. Hún reifaði þar þróun bankamarkaðarins erlendis, þar sem fjártæknifyrirtæki væru að koma sterk inn með stafræna banka. Þar sagði hún meðal annars: „Við erum þegar að sjá víðs vegar um Evrópu fjártæknifyrirtæki eða áskorendabanka á borð við Monzo og Revolut eru að ryðja sér til rúms og tæknirisar eins Apple og Google eru á hraðleið inn í bankageirann sem koma til með að gjörbreyta landslaginu. Ef bankarnir hreyfa sig ekki með breytingunum þá mun starfsfólk jafnvel á endanum snúa sér til þeirra sem ætla sér að verða leiðandi afl í fjármálageira framtíðarinnar. Það er því jafn mikilvægt fyrir bankann sem og fólkið sem að vinnur í þessum geira að mæta tæknibreytingum með jákvæðum og opnum hug.“ Það er ekki annað að sjá en að þessi þróun sé hafin á Íslandi með stafræna bankanum Indó. Íslenskir bankar Fjártækni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Bankinn ber heitið Indó og verður fyrsti svokallaði áskorendabankinn á Íslandi. Það er nýyrði yfir banka fjártækninnar sem leggja áherslu á rafrænan rekstur, kannski helst í gegnum snjallforrit. „Bankinn verður einfaldur og þægilegur sem okkur finnst vera algjör lykilatriði,“ segir Haukur Skúlason, annar stofnenda bankans. Með honum í verkefninu er Tryggvi Björn Davíðsson og hafa þeir báðir mikla reynslu úr bankageiranum; störfuðu lengi hjá Íslandsbanka og Tryggvi Björn einnig hjá bönkum í Bretlandi. „Við sáum tækifæri á markaðnum hér fyrir svona áskorendabanka sem hafa verið að skjóta upp kollinum í útlöndum með góðum árangri,“ segir Haukur. Verkefnið hefur verið í pípunum í rúm tvö ár og er nú allt að taka á sig mynd – stefnan er að hefja starfsemi fyrir prufuhóp á síðari hluta ársins og vonandi að opna reksturinn fyrir öllum sem vilja strax á næsta ári. Haukur segir að um 180 milljónum hafi verið safnað í verkefnið á þessum tveimur árum. Þar af hafi langmest farið í alls konar leyfisveitingar og önnur grundvallaratriði. Á bak við verkefnið standa ýmsir fjárfestar, þar á meðan Kevin Laws, einn stofnenda og forstjóri stærstu bandarísku englafjárfestasamtakanna Angel list. Davíð og Golíat Það eru sjaldan mikil tíðindi af samkeppni á bankamarkaðinum. Bankageirinn er heldur stöðugur og útilokandi; hér á landi starfa þrír stórir bankar, Íslandsbanki, Landsbankinn og Arion banki, sem voru stofnaðir eftir hrun á grunni mun eldri banka. Við þá bætist svo einn minni en mun sérhæfðari fjárfestingarbanki, Kvika, sem er einnig stofnaður á grunni ýmissa eldri fjármálastofnana. Og við flóruna bætist svo Indó á næstunni. Hann verður að flokkast sem smærri banki eins og Kvika en ólíkt henni mun Indó ekki sérhæfa sig í fjárfestingum eða eignastýringu heldur fara í beina samkeppni við stóru bankana um kortareikninga, launareikninga og sparnaðarreikninga almennings. Það er þó á brattann að sækja fyrir Indó því samkvæmt rannsóknum eru Íslendingar til að mynda þrefalt líklegri til að skilja við maka sinn heldur en að skipta um banka. Íslendingar virðast með eindæmum íhaldssamir þegar kemur að þessu en til samanburðar eru Svíar fjórfalt líklegri til að skipta um banka en Íslendingar. Haukur er þrátt fyrir þetta mjög bjartsýnn: „Það hafa verið gerðar ýmsar kannanir á þessu undanfarið og það bendir allt til þess að neytendur séu mjög jákvæðir og opnir fyrir nýjum aðilum á bankamarkaðinum.“ Hann telur Indó þá hafa ýmsa kosti fram yfir stóru bankana bæði í innri rekstri og þjónustu við viðskiptavini. Undanfarin ár hefur verið mjög greinileg þróun meðal stóru bankana í þá átt að færa rekstur sinn yfir á rafrænt form. Útibúum, gjaldkerum og öðru starfsfólki bankanna fækkar ört og við hlutverki þeirra taka öpp og heimabankar. Þetta virðist þó vera þróun sem bankarnir taka í nokkrum skrefum og er jafnvel aðeins komin hálfa leið. Sjá einnig: Tólf sagt upp hjá Íslandsbanka. Sjá einnig: Uppsagnir hjá Arion banka. Sjá einnig: Uppsagnir hjá Landsbankanum. Indó tekur þetta þó alla leið og verður að öllu leyti rafrænn. Það er vopnið sem litli bankinn telur sig geta keppt við risana með (auk nokkurra annarra þó). Veist alltaf hvað gert er við peninginn þinn Það gefur auga leið að kostnaður við reksturinn verður margfalt minni þegar ekki þarf að reka útibú og greiða fjölda starfsfólks til að þjónusta viðskiptavini. „Við höfum verið með fimm starfsmenn með okkur auk nokkurra ráðgjafa. Þetta er gríðarlega öflugt teymi sem hefur komið að því að þróa þetta módel með okkur,“ segir Haukur. Rafrænt rekstrarform sé einnig hentugt fyrir viðskiptavini; það verður skilvirkara og aðgengilegra með þægilegu viðmóti í appi. Haukur nefnir þó annan kost sem Indó mun hafa fram yfir hina viðskiptabankana: „Þú veist hvað við gerum við peningana þína.“ Hann útskýrir þetta nánar; Indó mun ekki ráðstafa því fjármagni sem viðskiptavinir þeirra leggja inn á reikninga bankans með fjárfestingum, viðskiptum eða lánum til annarra viðskiptavina, heldur geyma allan peninginn hjá Seðlabanka Íslands. „Okkur finnst að fólk eigi rétt á að vita hvað er gert við peninginn sem það leggur inn á reikninginn sinn. Hjá okkur verður hægt að fylgjast alveg með því hvert peningurinn fer og hvað er gert við hann. Hann verður líka að fullu ríkistryggður, óháð upphæð, sem er ólíkt hinum bönkunum,“ segir Haukur. Indó ætlar sér einnig að bjóða betri vaxtakjör og hagstæðari þjónustugjöld en hinir bankarnir. Tólf til fjórtán hundruð hafa skráð sig í Indó Indó mun hefja starfsemi sína í lok sumars eða byrjun hausts fyrir afmarkaðan prufuhóp. Haukur segir að fólk hafi skráð sig á lista hjá bankanum og hleypt verði inn af honum í nokkrum hollum til að prufukeyra viðskiptamódelið. Um tólf til fjórtán hundruð manns hafa skráð sig í þann hóp og vonast Haukur til að bankinn verði búinn að taka við þeim öllum í vetur og opni svo fyrir almenning vonandi sem fyrst á næsta ári. Því gæti verið stutt í að landslagið breytist allverulega í íslensku bankakerfi, því Indó gæti auðvitað ýtt við stóru bönkunum ef vel gengur. Stórar breytingar fram undan á bankakerfinu Vísir ræddi við Evu Björk Guðmundsdóttur, formann Samtaka fjártæknifyrirtækja á Íslandi, í fyrra um fjártæknibanka. Hún reifaði þar þróun bankamarkaðarins erlendis, þar sem fjártæknifyrirtæki væru að koma sterk inn með stafræna banka. Þar sagði hún meðal annars: „Við erum þegar að sjá víðs vegar um Evrópu fjártæknifyrirtæki eða áskorendabanka á borð við Monzo og Revolut eru að ryðja sér til rúms og tæknirisar eins Apple og Google eru á hraðleið inn í bankageirann sem koma til með að gjörbreyta landslaginu. Ef bankarnir hreyfa sig ekki með breytingunum þá mun starfsfólk jafnvel á endanum snúa sér til þeirra sem ætla sér að verða leiðandi afl í fjármálageira framtíðarinnar. Það er því jafn mikilvægt fyrir bankann sem og fólkið sem að vinnur í þessum geira að mæta tæknibreytingum með jákvæðum og opnum hug.“ Það er ekki annað að sjá en að þessi þróun sé hafin á Íslandi með stafræna bankanum Indó.
Íslenskir bankar Fjártækni Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Dýrmætustu og sjaldgæfustu Mustang bílar landsins á afmælissýningu Mustang Samstarf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira