Mikill viðbúnaður við Þingvallavatn vegna þriggja stúlkna í neyð

Atli Ísleifsson skrifar 18. júní 2021 08:21

Frá vettvangi við Þingvallavatn í morgun. Landsbjörg

Mikill viðbúnaður var upp úr klukkan sjö í morgun eftir að tilkynning barst Neyðarlínu um þrjár stúlkur í vandræðum á bát í Þingvallavatni.

Í tilkynningu frá Slysavarnafélaginu Landsbjörg kemur fram að um hafi verið að ræða uppblásinn bát sem hafi verið farinn að fyllast af vatni og gátu stúlkurnar ekki siglt honum að landi.

„Kallaðar voru út allar björgunarsveitir í Árnessýslu, ásamt sveitum af höfuðborgarsvæðinu, sjúkraflutningamenn frá Suðurlandi og Reykjavík og þyrla Landhelgissgæslunnar ásamt lögreglu.

Nú rétt fyrir átta komust stúlkurnar í land af sjálfsdáðum. Þær voru orðnar blautar og mjög kaldar og hlutu aðhlynningu hjá sjúkraflutningamönnum,“ segir í tilkynningunni.

Björgunarsveitir Þingvellir Bláskógabyggð

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.