Vinningslíkurnar í lottó eru kannski ekki miklar. En oftast eru þær meiri ef fólk tekur þátt.Vísir/Vilhelm
Áskriftarsala á miðum í Vikinglottó er fjórfalt meiri í dag en hún var fyrir réttri viku síðan. Þetta staðfestir Pétur Hrafn Sigurðsson, upplýsingafulltrúi Íslenskrar getspár, í samtali við Vísi.
Ætla má að ástæðan sé sú að í gær bárust fréttir af stærsta lottóvinningi sem unnist hefur hér á landi, þegar spilari í Víkinglottó vann yfir 1.270 milljónir króna. Sem sagt, tæplega 1,3 milljarða. Spilarinn heppni fjölskyldufaðir á fertugsaldri, búsettur á höfuðborgarsvæðinu.
Um var að ræða annan vinning sem var um 1,2 milljörðum hærri en hann hefði annars verið ef ekki hefði verið fyrir kerfisbreytingar þar sem þak var sett á þá upphæð sem gengið getur út sem fyrsti vinningur. Umframfjárhæðin, um 1,2 milljarðar, færðist því niður á annan vinning, sem annars hefði numið um 70 milljónum króna.
Af aukinni áskriftarsölu að dæma er ljóst að fréttirnar af vinningnum stóra, og kerfisbreytingunum sem búa að baki, má ætla að fjöldi fólks eygi vinningsvon þegar næst verður dregið.
Heppinn fjölskyldufaðir á fertugsaldri hefur gefið sig fram við Íslenska getspá eftir að hafa hreppt langstærsta lottóvinning Íslandssögunnar í gærkvöldi; rúmlega 1.270 milljónir króna.
Íslenskur þátttakandi í Vikinglottó vann í kvöld langhæsta vinning sem komið hefur til Íslands. Þetta kemur fram í tilkynningu frá Íslenskri getspá.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
