Minnast þess að átján ár eru liðin frá fæðingu Madeleine McCann

Atli Ísleifsson skrifar 12. maí 2021 10:22

Kate og Gerry McCann halda á mynd af dóttur sinni, Madeleine, árið 2012. EPA/Facundo Arrizabalaga

Foreldrar hinnar bresku Madeleine McCann minnast þess í dag að átján eru liðin frá fæðingu hennar og segjast þau enn halda í „smá“ von um að hún muni finnast á lífi. Madeleine hvarf úr hótelíbúð fjölskyldunnar í Praia da Luz í Portúgal í maí 2007.

Málið vakti gríðarlega athygli á sínum tíma og stendur rannsókn á hvarfinu enn yfir, en foreldrar Madeleine voru á veitingastað á þeim tíma er Madeleine litla hvarf, þá tæplega fjögurra ára að aldri.

Erlendir fjölmiðlar segja McCann-fjölskylduna ætla að minnast afmælis Madeleine með fámennri veislu heima, en muni annars ekki tjá sig. Greinir AFP frá því að foreldrarnir vilji með þessu vernda systkini Madeleine.

Kate og Gerry McCann sögðu á heimasíðu sinni fyrr í mánuðinum að þetta ár sé „sérstaklega sárt“ þar sem þau hefðu nú fagnað átján ára afmæli dóttur sinnar.

Rannsókn beinist að þýskum barnaníðingi

Rannsóknin á hvarfi Madeleine beinist nú sérstaklega að 43 ára þýskum manni, Christian B. Saksóknarar í Þýskalandi greindu frá því í júní á síðasta ári að þeir teji manninn hafa rænt og myrt stúlkuna.

Christian B. hefur áður verið dæmdur fyrir barnaníð og nauðgun. Segja þýskir saksóknarar hafa sannanir fyrir því að Madeleine sé látin, en breska lögreglan flokkar málið hins vegar enn sem mannshvarf.

Bretland Madeleine McCann

Tengdar fréttir

Sá grunaði í máli Madeleine talinn tengjast nauðgun frá 2004

Lögreglan í Portúgal rannsakar nú hvort maður sem hefur réttarstöðu grunaðs manns í rannsókninni á hvarfi Madeleine McCann geti einnig tengst nauðgun á Algarve í Portúgal, þremur árum fyrir hvarf Madeleine.

22. júlí 2020 23:43

Leit í skógi í Þýskalandi tengist hvarfi McCann

Hópur lögregluþjóna hóf í gær leit á lóð í Hanover í Þýskalandi og er leitin sögð tengjast hvarfi Madeleine McCan

28. júlí 2020 13:34

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir