Innlent

Köku­skreytinga­meistari frá Rúss­landi slær í gegn á Sel­fossi

Magnús Hlynur Hreiðarsson skrifar
Angelika Dedukh, kökuskreytingarkona með meiru frá Rússlandi en hún býr á Selfossi með Þresti og börnum. Kökurnar hennar hafa slegið á gegn á Selfossi en hún bakar m.a. eftir pöntunum og skreytir kökurnar eins og óskað er eftir.
Angelika Dedukh, kökuskreytingarkona með meiru frá Rússlandi en hún býr á Selfossi með Þresti og börnum. Kökurnar hennar hafa slegið á gegn á Selfossi en hún bakar m.a. eftir pöntunum og skreytir kökurnar eins og óskað er eftir. Magnús Hlynur Hreiðarsson

Töskukaka, hundakaka, harmonikkukaka og hestakaka eru hluti af þeim kökum sem Angelika Dedukh frá Rússlandi bakar á Selfossi en skreytingarnar á kökunum eru með því flottara sem sést.

Þegar Angelika er búin með sinn vinnudag í Vallaskóla á Selfossi fer hún heim í eldhúsið sitt og töfrar fram allskonar kökur þar sem hún leggur mikinn metnað í skreytingarnar. Hér er t.d. listræn kaka með fullt af nöglum, sem eru allir úr súkkulaði. Angelika elskar að baka og skreyta enda á hún sínar gæðastundir í eldhúsinu. Hún er með Facbooksíðu þar sem hún sýnir kökurnar sínar og svo bakar hún eftir pöntunum.

„Ég er aðallega að baka súkkulaði kökur, stundum vanilluköku, karamellu og gulróta kökur. Á Íslandi eru krakkar mjög hrifnir af súkkulaði, Þess vegna baka ég oftast súkkulaðikökur,“ segir Angelika.

Töskukakan, sem Angelika bakaði í vikunni, ótrúlega falleg kaka og vel skreytt.Magnús Hlynur Hreiðarsson

Kökurnar hennar eru listaverk því hún skreytir þær svo fallega.

„Já, ég elska að skreyta kökurnar mínar.“

Angelika bakaði í vikunni töskuköku en handbragðið þar var ótrúlega flott þegar það var búið að skreyta hana, allt hægt að borða á kökunni, meira að segja blómin.

Hundakaka frá AngelikuAðsend

Þröstur Gunnar, eiginmaður Angeliku hrósar henni í hástert fyrir kökurnar og er að rifna úr stolti af konunni sinni.

„Já, hún er dugleg að baka og dugleg að skreyta, það er sérgreinin hjá henni, skreytingar á kökum, það er ekkert sem ekki er hægt að gera enda er ekkert sem hún getur ekki gert, ég segi það, það er alveg ótrúlegt að sjá vinnubrögðin hennar.“

Harmonikkukaka, ótrúlegt listaverk.Magnús Hlynur Hreiðarsson

Þröstur segir þó einn galla á gjöf Njarðar, hann hafi bætt á sig nokkrum kílóum eftir að hann fór að búa með Angeliku.

„Já, já, maður finnur svona aðeins þyngdaraukningu á því að það séu til svona margar kökur á heimilinu,“ segir hann um leið og hann strýkur á sér vömbina skellihlægjandi.

Angeliku er margt til lista lagtAðsend


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.