Lífið

Bachelor Par­ty-stjarnan Tawny Kitaen er látin

Atli Ísleifsson skrifar
Tawny Kitaen árið 2018.
Tawny Kitaen árið 2018. Getty

Bandaríska leikkonan Tawny Kitaen er látin, 59 ára að aldri. Kitaen sló í gegn í kvikmyndinni Bachelor Party, Steggjaveislunni, frá árinu 1984 sem skartaði Tom Hanks í aðalhlutverki, en hún átti síðar eftir að birtast í fjölda annarra kvikmynda og tónlistarmyndböndum, meðal annars með rokksveitinni Whitesnake.

TMZ greinir frá andlátinu, en ekki liggur fyrir hvað dró Kitaen til dauða. Hún lést í Newport Beach í Kaliforníu í gær.

Í Bachelor Party fór hún með hlutverk Debbie Thompson, verðandi eiginkonu persónu Tom Hanks. Auk þess lék hún í kvikmyndum á borð við The Perils of Gwendoline in the Land of the Yik-Yak og After Midnight.

Kitaen birtist einnig í tónlistarmyndböndum tveggja af vinsælustu lögum Whitesnake – Is This Love og Here I Go Again.

Kitaen giftist David Coverdale, söngvara Whitesnake, árið 1989, en þau skildu tveimur árum síðar. Árið 1997 giftist hún hafnaboltastjörnunni Chuck Finley og eignaðist með honum tvö börn. Þau skildu árið 2002.

Bíó og sjónvarp Bandaríkin Andlát


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.