Viðskiptavinir Sorpu klári svörtu ruslapokana fyrir 1. júlí

Atli Ísleifsson skrifar 27. apríl 2021 07:28

Glærir pokar eru framtíðin hjá Sorpu. Sorpa

Viðskiptavinir SORPU eiga nú að koma með allan úrgang og endurvinnsluefni í glærum pokum á endurvinnslustöðvar. Hafa þeir til 1. júlí til að klára svörtu ruslapokana og skipta þeim út fyrir glæra.

Frá þessu segir í tilkynningu frá Sorpu, en þar segir að þetta sé gert til að stuðla að meiri endurvinnslu og styðja við hringrásarhagkerfið eiga

Sorpa fagnaði þrjátíu ára afmæli sínu í gær og fengu allir viðskiptavinir endurvinnslustöðvanna glæran poka að gjöf. Var það gert til að auðvelda fólki umskiptin og minna á mikilvægi glæru pokanna.

Haft er eftir Jóni Viggó Gunnarssyni, framkvæmdastjóra Sorpu, að staðreyndin sé því miður sú að meira en helmingurinn af öllu því sem viðskiptavinir skili í gáminn fyrir blandaðan úrgang eigi sér endurvinnslufarvegi.

„Efnið sem fer í gáminn fer hins vegar beint í urðun. Glæru pokunum er ætlað að auðvelda starfsfólki endurvinnslustöðvanna að hjálpa viðskiptavinum okkar að skila endurvinnsluefnunum í réttan farveg,“ segir Jón Viggó.

Umhverfismál Sorpa

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.