Gasmengun yfir höfuðborgarsvæðinu á morgun

Vésteinn Örn Pétursson skrifar 13. apríl 2021 22:22

Mikil gasmengun getur orðið við gosstöðvarnar og ferðast nokkuð langa leið. Vísir/Vilhelm

Spá Veðurstofunnar um gasmengun frá eldstöðvunum á Reykjanesskaga gerir ráð fyrir að gasmengun berist til norðausturs yfir höfuðborgarsvæðið á morgun.

Þetta kemur fram á vef Veðurstofunnar, sem heldur úti textaspá varðandi gasmengun vegna eldgossins. Í dag hefur verið sunnan- og suðvestanátt nærri gosstöðvunum og hægur vindur, um þrír til sex metrar á sekúndu. Því hefur mengunin borist til norðurs, yfir Vatnsleysuströnd.

Á morgun er hins vegar gert ráð fyrir suðvestanátt, átta til þrettán metrum á sekúndu, á Reykjanesskaga. Mengunin muni því berast til norðausturs yfir höfuðborgarsvæðið.

Hér má finna kort Veðurstofunnar og spálíkan sem sýnir brennisteinsmengun í byggð fyrir næstu 72 klukkustundir. Þar er einnig að finna leiðbeiningar fyrir þau sem hyggja á ferð að gosstöðvunum eða vilja senda tilkynningu um gasmengun. Þá er hægt að finna aðrar upplýsingar um loftgæði á vef Umhverfisstofnunar, loftgæði.is.

Spá Veðurstofunnar gerir ráð fyrir gasmengun yfir höfuðborgarsvæðinu á morgun.Veðurstofa Íslands

Veður Eldgos og jarðhræringar Eldgos í Fagradalsfjalli

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.